14 هُداوند وت په شما جنگَ کنت، شما بَسّ آراما بنندێت.“
او هُداوند! گۆن همایان بمڑ که گۆن منَ مڑنت و گۆن همایان جنگ کن که گۆن من جنگَ کننت.
مئے هُدا کئیت و بێتئوارَ نبیت، اێر برۆکێن آسے دێما اِنتی و ترُندێن گوات و لوڑے چاگردا.
او هُدا! بێتئوار مبئے، هامۆش مبئے و هُشکا مَنِند، او هُدا!
هُداوندا گۆن موسّایا گوَشت: ”تئو چێا منی کرّا پریات کنگا ائے؟ اِسراییلیان بگوَش دێما رئوان ببێت.
هُداوندا آیانی اَرّابهانی پَرَّگ گَٹّێنتنت که اَرّابهانی برگ په آیان گران ببیت. مِسریان گوَشت: ”بیاێت چه اِسراییلیانَ تَچێن که هُداوند په آیانیگی گۆن مِسرا جنْگا اِنت.“
هُداوند جنْگ کنۆکے، نامی یَهوِه اِنت.
