18 هُدایا مهلوک چه گیابانئے راها گَردێنان کرت و دێم په سُهرزِرا برت. اِسراییلی که چه مِسرا در آتکنت، سِلهبَند اَتنت.
ایسُّپا گۆن اِسراییلئے چُکّان گوَشت: ”سئوگِند بوَرێت که وهدے هُدا شمئے مَدتا کئیت، منی هڈّان چه اے جاگها برێت گۆن.“
آییا چه تچکێن راهێا رهشۆنی کرتنت، دێم په شهرێا که اۆدا جَهمنند ببنت.
هما که گیابانا وتی مهلوکی رهشۆنی دات، مِهری اَبدمان اِنت.
زمین لرزِت و آسمانان هئور گوَرت، هُدائے بارگاها، سینائے کۆهئے یکدانگێن هُدائے، هُدائے بارگاها، اِسراییلئے هُدائے.
هما رۆچئے جندا هُداوندا اِسراییلی، رُمب رُمبا چه مِسرا در کرتنت.
”اِسراییلیان بگوَش پِر تَرّێت و مِگدُل و دریائے دَرنیاما، پی‌هاهِرۆتئے نزّیکّا اُرد کنێت. بَهَل‌سِپونئے دێما، تئیاب‌دَپا اُرد کنێت.
مِسری اِسراییلیانی رندا کپتنت. پِرئونئے سجّهێن اَسپ و اَرّابه و اَرّابه‌سوار و پئیادگێن لشکرا پی‌هاهِرۆتئے نزّیکّا، تئیاب‌دَپا، بَهَل‌سِپونئے دێما اِسراییلی رسێنتنت، هما جاگها که اِسراییلیان اُرد کرتگ‌اَت.
