48 اگن شمئے نیاما ڈَنّی مردمے نِشتگ و سَرگوَزئے رۆچا هُداوندئے ناما ائیید کنگَ لۆٹیت، آییئے لۆگئے سجّهێن مردێن پێسرا سُنّت کنگ ببنت. گڑا آ مردم بَهر زرتَ کنت و مُلکی مردمانی پئیما بیت. بله هچّ سُنّت نکرتگێن مردێن اِشیا مئوارت.
شما وتا سُنّت بکناێنێت. اے هما اَهد و پئیمانئے نشانیَ بیت که منی و شمئے نیاما اِنت.
آیۆکێن نَسل و پَدرێچانی تها، شمئے نیاما هَمُک هَشت رۆچیگێن مردێن‌چُکّ باید اِنت سُنّت کنگ ببیت، تهنا شمئے جندئے لۆگئے چُکّ نه، هما زَرهریدێن گُلام‌چُکّ هم که شمئے نَسل و پَدرێچ نه‌اَنت و شما چه ڈنّی مردمان په بها زُرتگ‌اَنت، آ هم سُنّت کنگ ببنت.
تان هپت رۆچا شمئے لۆگان هُمیر مبیت. چێا که هرکَسا که هُمیری چیزّے وارت، آ مردم چه اِسراییلئے مهلوکا سِندَگَ بیت، هرکَس ببیت، دَرامَدے یا مُلکی مردمے.
هُداوندا گۆن موسّا و هارونا گوَشت: ”اِش اِنت سَرگوَزئے ورگئے پَرمان: هچّ ڈَنّی مردم اِشیا مئوارت،
هُدائے کرّا پرک و پێر نێست که شما یَهودی اێت یا درکئوم، گُلام اێت یا آزات، مردێن اێت یا جنێن، چێا که شما سجّهێن ایسّا مَسیهئے برکتا یکّ اێت.
