11 سجّهێن اِسراییلا تئیی شَریَتئے ناپرمانی کرتگ، دێمِش تَرّێنتگ و تئیی پرمانبرداری‌اِش نکرتگ. پمێشکا هما نالَت که هُدایا وتی هِزمتکارێن موسّائے شَریَتئے تها وتی نامئے سئوگند وارتگ و اَهد کرتگ، نون مئے سرا کپتگ چێا که ما هُدائے گُنَهکار بوتگێن.
موسّائے شَریَتا نبشتگێن سجّهێن تباهی مئے سرا آتکگ، بله ما اَنگت وتی هُداوندێن هُدائے رهم نلۆٹت و چه وتی گناهان پِر نَترّتێن و تئیی راستیئے نێمگا دلگۆش نکرت.
ما گناه کرتگ، رَدێن کار کرتگ، بدکار و یاگی بوتگێن و چه تئیی پَرمان و کانونان وتی دێم تَرّێنتگ.
