دانیال 8:7 - هُدائے پاکێن کتاب، بلۆچی زبانا

⁷ من دیست که آ، دێم په گوَرانڈا پێداک اِنت. سکّ هِژم گپتگ. پاچِنا گوَرانڈ جَت و دوێن کانٹی پرۆشتنت. گوَرانڈا آییئے دێما هچّ زۆر مان نێست‌اَت. زمینئے سرا دئوری دات و پادمالی کرت. کسّ نێست‌اَت که گوَرانڈا چه آییئے زۆرا برَکّێنیت.

دانیال 8:7 교차 참조

دانیال 11:11

جنوبئے بادشاه هِژمَ گیپت، شمالئے بادشاهئے دێما درَ کئیت و گۆن آییا جنْگَ کنت. نون شمالئے بادشاه بلاهێن پئوجے یکجاهَ کنت، بله اے پئوج، جنوبئے بادشاهئے دستا پرۆشَ وارت.

دانیال 7:12

اے دگه جانوَرانی هاکمی پَچ گرگ بوتگ‌اَتنت بله آیانی زِندا لهتێن رۆچ گێش کنگ بوت.

دانیال 7:7

اِشیا پد، من اَنگت شپئے اِلهام و شُبێنان گِندَگا اَتان و چارمی جانوَرُن دیست. اے تُرسناک، هئیبتناک و سکّ زۆرمند اَت. اِشیا دراجێن آسنێن دنتان پِر اَت. وتی شکاری پرۆشت و اێر بُرت و سَرارۆکی پادانی چێرا لپاشتنت. چه آ پێسریگێن سجّهێن جانوَران جتا اَت و دَه کانٹی پِر اَت.

دانیال 8:10

اے آسمانی لشکرئے نێمگا رُست و لشکرئے بَهرے و لهتێن اِستاری زمینا دئور دات و پادمال کرت.

دانیال 8:6

آ هما گوَرانڈئے کِرّا آتک که دو کانٹی پِر اَت، هما که من کئورئے دێما اۆشتگا دیستگ‌اَت. پاچن آییئے سرا هِژم گپتگ‌اَت و گۆن سَرجمێن زۆرا آییئے سرا کپت.

دانیال 8:8

پدا پاچن سکّ زۆراوَر بوت بله اَنچۆ که وتی زۆراوریئے بُرزادیان سر بوت، مزنێن کانٹی پرُشت و آییئے جاگها چار دگه اجبێن کانٹ رُست که دێمِش آسمانئے چارێن گواتانی نێمگا اَت.