دانیال 6:12 - هُدائے پاکێن کتاب، بلۆچی زبانا

¹² بادشاهئے کرّا شتنت و شاهی پرمانئے بارئوا هبرِش کرت و گوَشتِش: ”او بادشاه! تئو پَرمانے دَسهَتّ نکرتگ که هرکَس تان سی رۆچا ترا ابێد دگه هُداێئے یا که دگه مردمێئے کِرّا دْوا بلۆٹیت، شێرانی گارا دئور دئیگَ بیت؟“ بادشاها پسّئو دات: ”هئو، اے راست اِنت. ماد و پارسئے کانونئے هسابا اے بدل بوتَ نکنت.“

دانیال 6:12 교차 참조

دانیال 6:15

گڑا اے مرد پدا یکجاه بوت و بادشاهئے کِرّا آتکنت و گوَشتش: ”بچار، او بادشاه! ماد و پارسئے کانون اِنت که بادشاهئے دَسهَتّ کرتگێن هچّ هُکم و پَرمان بدل بوتَ نکنت.“

دانیال 6:8

او بادشاه! نون هُکم بدئے و اے پَرمانا دَسهَتّ کن تانکه بدل بوت مکنت. اے ڈئولا اے هُکم، ماد و پارسئے کانونے جۆڑَ بیت که بدل کنگَ نبیت.“

کاسِدانی کار 16:19

وهدے مۆلدئے هُدابُندان دیست که آیانی نپ و کَٹّئے اُمێت هلاس بوت، گڑا آیان پولُس و سیلاس گپت، کَشّان کرت و بازارا، شهرئے مسترانی کِرّا برتنت.

کاسِدانی کار 16:24

همے هُکمئے سرا، بَندیجاهئے نِگهپانا بَندیجاهئے تۆک تۆکی کۆٹیا برتنت و آیانی پاد کُنٹبند کرتنت.