44 گیابانا ’شاهدیئے تَمبو‘ مئے پت و پیرُکان گۆن اَت و هما پئیما اَڈّ کنگ بوتگ‌اَت که هُدایا موسّا سۆج داتگ‌اَت، بزان هما نمونهئے ڈئولا که آییا دیستگ‌اَت.
بچار، اے سجّهێن چیزّان هما پئیما اَڈّ کن که من ترا کۆهئے سرا پێش داشت.
تَمبوا هما پئیما مِکّ کن که من کۆهئے سرا ترا پێش داشت.
کُربانجاها چه دارئے تَهتَگا اَڈّ کن. تۆکی بِلّ که هۆرک و هالیگ اِنت. هما پئیما اَڈّی کن که من ترا کۆهئے سرا پێش داشت.
تَمبوئے، بزان شاهِدیئے تَمبوئے سامان همِش اَتنت که لاویان موسّائے هُکمئے سرا و دینی پێشوا هارونئے مردێن‌چُکّ ایتامارئے سرۆکیا هساب کرت و نبشته کرتنت.
