15 Amihmu d́ògè Cè, “Sara, ibò̄ jè htĭ anu cab́ô̆htè ja gā da thaò̆bò̄ dakhă ńò kî gē le d́a b́èbò̄ htĭ taplă be ńò nu,” cò d́ògè Jezŭ do.
Jezŭ d́ò cè, “Lejo na wa kî le b́ĕjo,” Cò d́ò lōwa do.
Jezŭ d́ò cè tòcò, “Jò d́ò thĭ adî̄ahma, thĭ wāhlè Jè tè b́è d́ŏ thĭ thîhè̆ Jè dèmè dèbòdèba ahtabohtab́ă acè̆ ńò, ḿî thĭ ab́è toko kî thĭ phŭ pĕhtagè acè̆ nu.
Mègōnu d́ō, cè tòcò d́ò, “B́ĭcè, i thèjô̆bò̄ wa toko ajo nu,” cò d́ò lōwa do.
Jezŭ d́ò cè tòcò, “Jî ḿî dèòtoko. Bija alehtî Jè tòcò nu, da thaẃib́è ńò kî ab́u Jè dèbwè nu, da thaò̆b́è ńò.
Dèkhòwè asôahlè̆ ḿî dèthĭ, Kib́ĭcè adèi ḿî dèò alahtŭlablo d́ŏ wî B́ĭcè Jezŭ Krĭstu abu nu.
Bija atò òi thotha adèmè ńò tòcò tè b́èlò̄ dè ab́èkja thotha ńò, ḿî aòi thotha adèphîdèmè tòcò b́èlò̄ dè ab́èkja thotha lò.
Bija atò òi ab́èkja thotha ńò dèbwè nu, dî phîni tèpwè dè ab́èkja Kib́ĭcè aSpirito Tcahtĭ ńò; za tcahtî tèpwè lōwa acab́ô̆ dè ahnahnă lò, zi di thîhè̆ za ńò, gî thîhè̆ za cè d́ŏ Spirito Tcahtĭ abu lò acè̆ nu.
Mègōnu d́ō, b́ĕ thĭ dadè nu thĭ di nib́è ńò, ḿî d́ŏ thĭ dèsascĭ ḿî akî̆kkè akhoacè̆ kî d́ŏ dèmòdèma thĭ nikhĭ lò akhoacè̆ nu.
Wi thîhè̆ tèpwè htè Kib́ĭcè Apho lela htŏ kî Ci ilani wa dèthîhè̆, gōnu akhoacè̆ wî thîhè̆kò̆ Kib́ĭcè adî̄ahma nu. Wò òplob́è Kib́ĭcè adî̄ahma. Wò òplob́è Zo pho Jezŭ Krĭstu. Ajo ḿî Kib́ĭcè adî̄ahma kî dèò alahtŭlablo.
