19 Thĭ kè b́èkja ma Lākho d́ō, akè b́èlò̄ tèpwè thĭ acab́ô̆ ab́èlò̄ aè̆ nu. Barasă thĭ tè b́èkja Lākho ńò, ḿî Jô rôhta kè̆ thĭ d́ŏ Lākho nu d́ō, Lākho dè wè̄ dè sè̆ tèpwè thĭ ńò.
Kîd́ò̆ Ji mi akhoacè̆ bija lŏcăcè gè̄ dè wè̄kò̆ thĭ ńò. Barasă bija htè akhòthad́ò̆ htô̆ agudulă dèbwè gô̄ hlô̆htakò̆.
“B́ĕnu bija ki ila phlòḿî̆kò̆ thĭ cab́ô̆htè thĭ kè̄ b́è mèssègnè̆ nu, kî bija gè̄ mèthĭkò̆ thĭ, kîd́ò̆ Ji mi akhoacè̆ bija akhwĭ lŏcăcè gè̄ dèwè̄dèsè̆kò̆ thĭ ńò.
“Thĭ kè̄ b́èlò̄ ma htĕ bija ab́èlò̄ thĭ tòcò lò d́ō, akhlŏhtamame ḿîbò̄ danè̄? Manè̄ d́ō dèkhòwèpho tòcò ḿî ḿî b́èlò̄ bija htè ab́èlò̄ cè lò lò.
“Jò tò d́ò thĭ gŏ abwè ńò; Jî thîhè̆ tèpwè htè jô rôhlè tòcò nu; ḿî cab́ô̆htè Cè Tcahtĭ gē pĕhtabò̄ nu, acab́ô̆ ad́ò, ‘Bija a a plo jè dèbwè ḿî bija ahtad́ĕd́ò jè’ dôhmô̆ nu.
Thĭ dô rôgè Jè ńò, ḿî Jô rôgè thĭ dòkhò̆ kî hnagè thĭ le kî thèhtaphò̆hta kî thĭ phò̆ thĭ thè kò òhmeòglo; cab́ô̆htè dè arră thĭ da Ja Pa d́ŏ Ji mi abu tòcò kè̄ b́è ilanibò̄ thĭ nu.
Jezŭ d́òscĭge cè tòcò, “Jô dô rôhtagè thĭ anu scigībwè ńò ā? Barasă thĭ klè̆ dèbwè ḿî dèscidèhnè,” Cò d́òge lōwa do.
Ŏ bija adîdî̄dahma ńò tòcò! Thĭ dî thîhè̆ htè thĭ gî̄ ḿî ma Lākho akhò̆athò d́ō, thĭ gî̄ ḿî tèpwè Kib́ĭcè athè̆d́ĕd́ò nu ńò ā? Thĭ ka thaè phî̆hta ma Lākho akhò̆athò d́ō, thĭgè kèhta tèpwè Kib́ĭcè athè̆d́ĕd́ò lò.
Tod́odasa abu, bija tòcò mè pĕhta tèpwè bwèthŭkupho tòcò adèthaèni; òigè dè akhorokhara, dècîpôcîthŏ, dèò̆hmuapò, dègodètra, dèzòlò̄ôè̆ kî dèb́uphrò thèb́è̆phrò.
Wî dî ḿîb́è acab́ô̆ Kaĭnō aḿî dèscidèhnè abwè kî amèthĭgè apîkò̆ nu ńò. Kaĭnō mèthĭ ma ci ṕîkò̆ nè? Manè̄ d́ō zè dèphîdèmè ḿî akî̆kkè kî cî ṕîkò̆ è̆ ḿî adî̄ahma akhoacè̆ lò.
Wudo thèhtèb́èsôgè amihmu kî ze led́olephjagè lōwa aphoali alewe tòcò nu, lŏ bija asòkhĕńe Kib́ĭcè adèhmèla kî aòdî̄òhma d́ŏ dèkhathè̆thî Jezŭ anikhĭ tòcò nu.
Wudo tòb́ò̆ b́è hwĕladē d́ŏ Lākho nu—kî wu hlemo htè ami ḿî Mod́èlî, ḿî̆diḿî ńò Sătana, htè ahlòplè Lākho thèd́è̆b́è nu. Cè b́è hwĕladē d́ŏ Lākho, ploplo kî zò Mò̄khobwèzo lŏcăcè lò.
