10 Acab́ô̆ Jò òi htŏ Ja Pa adèhmèla tòcò nu kî ògè Zè dèb́èlò̄ abu nu, òibò̄ Jè dèhmèla tòcò nu kî òbò̄ Jè dèb́èlò̄ abu.
Bija dî phîkè̆ thĭwī za Ja thathôḿô̆ dèbwè̆ ńò. Jò ò kî dèkhwèdèja d́ŏ Jî gī ilakè̆, kî Ji gī phîge Jè è̆ lò. Dè ajo ḿî Ja Pa hmèlagè Jè d́ŏ agè̄ mèb́è dèdè̆ nu.”
Ajo ḿî adî̄ahma lò, manè̄ d́ō, Jî dî jî̄b́è dò̆ Jè dèphlŭdèthere abu ńò, ḿî acab́ô̆ Pa htè athodŏle Jè dèbwè hna d́ò Jè adĕ nu lò.
“Thĭ kè b́èlò̄ b́eḿĕ Jè d́ō, òibò̄ Jè dèhmèla.
“Bija htè aphîni Jè dèhmèla kî aòi cè dèbwè nu, zî ḿî ab́èlò̄ Jè. Ḿî ab́èlò̄ Jè dèbwè nu, Apa kè b́èlò̄kò̆ cè, Jè kè b́èlò̄kò̆ cè, kî Jè kè d́è̆lî̄kò̆ cè Je ne,” Cò d́ò lōwa do.
Jezŭ d́òscĭge cè, “B́eḿĕ bija dèbwèbwè kè b́èlò̄ Jè nu, cò kò òi tèpwè Jè dèjî̄b́è. Ja Pa kè b́èlò̄kò̆ cè, kî we gē lehtî cè kî òkôkò̆ ca kă.
Barasă Ze le cab́ô̆htè Lākho gî̄ thîhè̆bò̄ Jè b́èlò̄ Apa, kî Jè mè dè htè Apa hmèla Jè tòcò nu. “Wè̄hto, gè̄ hèhtagè b́ĕjo,” Cò d́ò lōwa do.
Jè bè̄dòbè̄the htŏ Nè d́ŏ Lākho akho jo. Jè mè pĕhta htŏ dèmè Ni ilani Jè nu.
Jezŭ d́ò cè tòcò, “Jè dèa ḿî agè̄ mè athodŏle jè dèbwè adèthaèni kî agè̄ mè pĕhta Zè dèmè nu,” Cò d́ò̆sagè lōwa tòcò do.
Kîd́ò̆ athodŏle Jè dèbwè ḿî Cò òkô Ja kă. Zè dèlè̄ladēdagè Jè ńò, manè̄ d́ō Jè mèdè htĕ ab́è Ca tha tòcò nu lò,” Cò d́ò̆sa lōwa tòcò do.
Thĭ dî thîhè̆ Cè ńò, ḿî Jî thîhè̆ Cè. Jò kò d́ò ma adî thîhè̆ Cè ńò d́ō, Ja gā la tèpwè thĭ bwèplè dèbwè lò. Barasă Jî thîhè̆ Cè kî Jò òi Zè dèjî̄b́è.
Cè tè b́è hô̆rîkî̆ ńò ḿîwî, ab́èhô̆rîkî̆ ḿîwî ahtabohtab́ă tò ò tèpwè dimĭ ńò, ajwīamo ḿî cò òi Kib́ĭcè adèhmèla tòcò nu lò.
Ŏ thè̆buwe tòcò, alekăgudŭ ḿî thĭ mèhlô̆mènigè dè d́ŏ wò ò htè dèòthôḿô̆ ab́è Kib́ĭcè atha ḿî danè̄ nu. Thĭ ò thôḿô̆kô acab́ô̆ gōnu akhò̆ lò. Khŏnujo, wa damòb́è thĕbwethîlî̆ thĭ d́ŏ B́ĭcè Jezŭ ami abu thĭ kò ò thôḿô̆ è d́olĭkî anu lò.
Phŭgima gî̄ ḿîb́è awîatcahtĭ, adèkèḿè tò ò ńò kî aplî̆atcă. Cò kò òb́è d́ŏ dèkhòwèpho tòcò akho kî Cè kè̄ b́è zāhtajî dŏ Mò̄kho akho nu.
Zî dî thîhè̆ mŭpla ma dèdî̄dèhma aklè ńò d́ō, akè è d́okhlŏ bò̄d́ò̆ zî thîhè̆ hwăgè kî d́ab́age akhlŏ d́ŏ dèhmèla tcahtĭ ab́èilani cè dòkhò̆.
Wò òi Kib́ĭcè adèhmèla khaĺè, wò d́ò zakò̆ wî thîhè̆ Kib́ĭcè.
Barasă bija dèbwèbwè gò̄ sòkhĕńe ma Zè lē zè hwè d́ō, Kib́ĭcè adèb́èlò̄ pĕhta d́ŏ Zò lò nu. Wò d́ò ladîlase za tèpwè htè Cò ò d́ŏ Kib́ĭcè abu nu.
Bija dèbwèbwè htè ad́ò d́ŏ aò d́ŏ Kib́ĭcè abu nu, zò mò ò thôḿô̆ acab́ô̆ Jezŭ Krĭstu mègè nu.
Manè̄ kò̄ d́òdo dō, dèb́èlò̄ Kib́ĭcè ahtabohtab́ă ḿî dèsòkhĕńe Zè dèhmèla tòcò nu. Kîd́ò̆ Zè dèhmèla tòcò nu tè b́è abaasè̆ wi nikhĭ ńò,
Ab́èhôwî ḿî bija htè ascî̆bô̄ b́ă ascid́ŏdò̄dô cab́ô̆htè ca ka ab́èbò̄ dèòthôḿô̆ athothè kî agē lenīkôb́è khaglè̄ alenī d́ŏ u abu tòcò nu.
