23 B́ĕnu bōhmubicè aklè̆ dèbwè, htè Jezŭ b́èlò̄ dèbwè nu, sańă d́ògòdò wè̄ Jezŭ athaî̆nè̄ bu lò.
Bwèssègnè̆pho thĭ d́ō Mò̄khobwèzo zālei cè d́ŏ Abraham athaî̆nè̄ bu nu. Bija aniò̆jòa dèbwè ḿî thĭgè gè kî cè b́è b́ŭlăgè.
Bija ta tcahtîgè B́ĭcè dèbwè̆ ńò, ḿî Zo Pho thè̆ne d́è̆lî̄ hlî̆htaphlò̆htagè Cè.
Mègōnu d́ō, zè mè̄ tòcò thodŏlegè bija agē lejo Jezŭ, cò d́ò, “B́ĭcè, Nè b́èlò̄ dèbwè scwigè,” cò d́ò lōwa do.
Mègōnu d́ō, Jŭdapho tòcò d́ògè, “Tcabò̄, Cè b́èlò̄ lōwa pwedè̄ nu,” cò d́òhlè lōwa do.
Jezŭ b́èlò̄gè Martha, cî ṕîkò̆ Marĭa kî Lazarŭ.
Kî Petru tcawè̄ cè, jehta ako kî dè̆gè cè, “D́è̆ca Cè, ‘Na thaè d́ò ḿîgè bò̄bwè?’”
Ad́ògòdòwè̄ Jezŭ athaî̆nè̄ bu dèbwè d́è̆gè lōwa, “B́ĭcè, ḿîgè bò̄bwè?”
Jezŭ tcalahtî Zo Mo kî bōhmubicè Cè b́èlò̄ dèbwè sò̆hto òb́ôhtî lōwa d́ō, Cò d́ò Zo Mo, “Amihmu, Ajo ḿî no phokhŏ.”
Cè cwèlegè d́ŏ Simŏnè Petru ò, kî bōhmubicè alewe dèbwè htè Jezŭ b́èlò̄gè dèbwè ò nu kî co d́ò̆sagè lōwa, “Bija hèikè̆ phlòḿĭgè Jezŭ aco d́ŏ lūkho abu nu. Bija b́è̆lăgè Cè d́òlè̄ nu wî dî thîhè̆ ńò,” cò d́ò̆sagè lōwa do.
Petru tca dîwî̄dewe kî za tcahtîgè bōhmubicè htè Jezŭ b́èlò̄ dèbwè lekô ze lekă. Cè ḿî tèpwè bija htè b́ĕ Lumuhè Adèa Pwè̆bu nu, adògòdò hwă Cè kî d́è̆ lōwa, “Ŏ B́ĭcè, agô̄ hô̆lă Nè ḿî bò̄bwè?” nu.
Akhathè̆thî d́ŏ dè aò hwela b́ĕjo tòcò ḿî bōhmubicè anu dèbwè lò. Ahwela dè awîakè̆ tòcò ḿî cè kî wî thîhè̆ tèpwè htè zè dèkhathè̆thî ḿî ab́è lò.
Bōhmubicè htè Jezŭ b́èlò̄ dèbwè nu d́ògè Petru, “Aḿî B́ĭcè!” cò d́ò lōwa do. B́ĕ Simŏnè Petru thîhè̆b́è B́ĭcè d́ō, cò ò tuklŭhtu akhoacè̆, zî phî zi scid́ŏ za păb́a gôlô̄gele za jadēlò kî ze beladēgè pèllèbu.
