18 Bija dî phîkè̆ thĭwī za Ja thathôḿô̆ dèbwè̆ ńò. Jò ò kî dèkhwèdèja d́ŏ Jî gī ilakè̆, kî Ji gī phîge Jè è̆ lò. Dè ajo ḿî Ja Pa hmèlagè Jè d́ŏ agè̄ mèb́è dèdè̆ nu.”
“Jî ḿî atcai thŏ aè. Atcai thŏ aè dèbwè nu ilaphlòḿĭ ca thathôḿô̆ co thŏ tòcò anikhĭ.
“Dè ajo akhoacè̆ Ja Pa b́èlò̄ Jè, manè̄ d́ō, Ji ilaphlòḿĭ Ja thathôḿô̆ cab́ô̆htè Jî gî̄ phîhtagebò̄ Jè è̆ tapla be nu.
Barasă Ze le cab́ô̆htè Lākho gî̄ thîhè̆bò̄ Jè b́èlò̄ Apa, kî Jè mè dè htè Apa hmèla Jè tòcò nu. “Wè̄hto, gè̄ hèhtagè b́ĕjo,” Cò d́ò lōwa do.
Acab́ô̆ Jò òi htŏ Ja Pa adèhmèla tòcò nu kî ògè Zè dèb́èlò̄ abu nu, òibò̄ Jè dèhmèla tòcò nu kî òbò̄ Jè dèb́èlò̄ abu.
Jezŭ d́òscĭge cè, “Ńò òi dècô̆thèlè̆ jo kho ḿî tèpwè Kib́ĭcè ila nè lò. Ḿî bija htè aila jè nu cukhò bu dèbwè nu, zè dèkhòwè gō dolĭkò̆ ajo.”
Acab́ô̆ Apa thè̆ne ḿî dèthôḿô̆ akhawi nu, Ci ilagè Zo Pho dèthôḿô̆ akhawi gōnu lò lò,
“Jè dè mè za dèjo lo Ja la dimĭ ńò. Acab́ô̆ Jî thîhè̆b́è nu Ji cirradè kî Jè dècirra ḿî adî̄ahma, manè̄ d́ō tè b́è Ja wāhlè Jè dèthaèni ńò, ḿî Pa athodŏle Jè dèbwè adèthaèni dòkhò̆,” Cò d́ògè lōwa do.
Manè̄ d́o, Jò ò d́ŏ Mò̄kho nu Ja la tè b́è Jè gè̄ mè Jè dèthaèni anikhĭ ńò, ḿî athodŏle Jè dèbwè adèthaèni lò.
Barasă Kib́ĭcè b́awè̄htogegè Cè, Kib́ĭcè b́ăplè gòthògè Larrā adèothootha, manè̄ Cè tè b́è cŏglo hme Larrā acukhòbu ńò akhoacè̆ nu.
Jezŭ ajo dèbwè nu Kib́ĭcè b́awè̄htoge Cè kî wî ḿî lŏ akhathè̆thî tòcò nu.
mèhwă thĭ mèthĭgè Dèò Ab́ĭcè, ḿî Kib́ĭcè b́awè̄htogegè Cè dèthĭ aklè̆ kî wa thè̆ne khagè thè̆thî.
Ci ilagè Ze neb́î̆cè d́ŏ wi nikhĭ cab́ô̆htè Zè gè̄ mèhlô̆htage wa d́ŏ dèkî̆kkèmèhlò̆ lŏcăcè, kî Za gā hna kèhta wa bija dikhwĭ htè aòwîòtcă kî ab́èkja htĕ Cè dèbwè lò, kî athasô d́ŏ dèmè awîaè tòcò nu.
Ḿî wa tcahtî tèpwè Jezŭ htè ab́è bè̄b́ôlagè Mò̄khobwèzo akălè̄ tod́odasa dèbwè b́è plônīgè khocò̆ d́ŏ dèplŭdèthere kî dèdòdèthe abu d́ŏ Kib́ĭcè adèhludètă acè̆ Za khagè dèthĭ bija lŏcăcè anikhĭ nu.
