17 Dèb́u ḿî ḿî gōnu lò lò. Cè domo lò kî dèmè gā ta pakô ma ńò d́ō, zî ḿî athĭ lò.
Khŏnojo, dè aò thèj́ô̆ ḿî thŏ mo; dèb́u, dèsascĭi, kî dèb́èlò̄; kî d́ŏ aklè̆ adokhlŏ ḿî dèb́èlò̄ lò.
Ji ki ikè̆ jè dè aòni jè lŏcăcè, kî ila je neb́î̆cè akè b́è ŭgè̄la nòthò̆ jè dèb́èlò̄ ka ta pa ma ńò d́ō, ji nikhĭ akhlŏhtamame kò tò ò tèpwè dimĭ ńo.
Manè̄ d́ō, d́ŏ Jezŭ Krĭstu abu nu, nè b́è dèhô̆rîkî̆ aphekhĭ ḿîwî, nè tè b́è ńò ḿîwî, akhlŏhtamame tò ò tèpwè dimĭ ńò, ḿî dèb́u wò òi wa thabu d́ŏ dèb́èlò̄ abu nu.
B́ĕ wa thèb́è̆dahta gŏ apla nu, wo gomohtani thĭ dèb́udènè kî thĭ dèb́èlò̄ htè ahnanosòkă thĭ agè̄ mèdè thĕbwethîlî̆, kî thĭ dèsascĭd́ògodòi wî B́ĭcè jezŭ Krĭstu òhmeòglo tèpwè nu.
Dèhmèla ajo ḿî cab́ô̆htè agò̄ htowè̄ dèb́èlò̄ òhta d́ŏ dèthowîthamò, dèthotcăthatcă, , kî dèb́u ahnèhnè abu lò.
Jè thè̆buthè̆we tòcò, bija dèbwèbwè kò̄ d́ò zè dèb́u ò ḿî dèphîdèmè kò tò ò ma ńò d́ō, zè dèb́u mèhlô̆htage zabò̄ cè ā?
Gōnu akhò̆pha, neb́î̆cè atò òi dètha ńò ḿî athĭ lò, gōnu lò lò dèb́u atò òi dèmè ńò ḿî athĭ lò.
