14 Gajă bija ab́è htogeme d́ŏ Kib́ĭcè Aspirito dèbwèbwè nu, zî ḿî Kib́ĭcè apho.
Ab́èhôwî ḿî bija amèjīmèd́wădè tòcò nu, manè̄, dè gō jokò̆ cè Kib́ĭcè apho.
Gajă aphîni Cè kî ab́u Zi mi tcahtĭ tòcò nu, Ci igè lōwa agî̄ phî̆htab́è Kib́ĭcè aphoali.
Dèòb́òla lŏcăcè sòmò̆dôi Kib́ĭcè akè d́è̆lî̄ Zo pho tòcò nu.
Bija atò òi thotha adèmè ńò tòcò tè b́èlò̄ dè ab́èkja thotha ńò, ḿî aòi thotha adèphîdèmè tòcò b́èlò̄ dè ab́èkja thotha lò.
Thĭ dègomo tè b́è tèpwè phehî anikhĭ lò ńò, ḿî thotha anikhĭ dòkhò̆. Manè̄, d́ŏ Kib́ĭcè aSpirito Tcahtĭ òkôgè thĭ kă. Thĭ kò tò òi ma Krĭstu Adètha ńò d́ō, thĭgè tè b́èkja tèpwè Cè ńò.
Thôrô̆ Jò kò d́ò, ‘Thĭ dî ḿî Ji bija ńò nu,’ khŏnujo kè b́èjokò̆ Kib́ĭcè Aòthôḿô̆ aphoali.”
Ahtabohtab́ă ḿî amèphî̆hta wa Kib́ĭcè aphoali dî ḿî phehî akhwĭathèlè̆ ńò, ḿî dèaḿăkhai aphoali tòcò gî̄ ḿîkò̆ akhwĭathèlè̆ adî̄ahma nu.
“Kî Jî gî̄ ḿîkò̆ thĭ Pa, kî thĭ gî̄ ḿîkò̆ Jo pho Ji li tòcò nu, Dèado Amèzadè lŏcăcè d́ògè do.”
Kî thĭ gŏ abwè ḿî Kib́ĭcè apho d́ŏ dèb́u kî dèòjīòd́wă d́ŏ Jezŭ Krĭstu abu nu.
cab́ô̆htè zè gè̄ mèhlô̆hta bija aò Dèhmèla akălè̄ tòcò kî agè̄ mèphî̆htabò̄ wa ab́è mèpho tòcò nu.
Thĭ ḿî Kib́ĭcè aphoali nu hlî̆htaphlò̆hta d́ŏ Zè dèthodŏle Zo Pho aSpirito Tcahtĭ d́ŏ wa thabu nu, Spirito Tcahtĭ htè ajohta “Abba, Apa,” kî ajo ḿî amèphî̆hta thĭ dèpho.
Ja thaè d́ò ḿî gōjo; thĭ kè̄ b́è htônāi kî ma Spirito Tcahtĭ nu, thĭ ladēnī dèmèmòi ane acè̆ tò ò ńò.
Thĭ kè̄ b́è thè̆lei ma Spirito Tcahtĭ nu, thĭ tò òb́è d́ŏ Dèhmèla akălè̄ ńò.
D́ŏ Kib́ĭcè adèb́èlò̄ acè̆, Zè bè̄lagè Ca tha d́ŏ Jezŭ Krĭstu acè̆ nu, Ca gā hnaphî̆hta kè Zo pho nu. Ajo ḿî Kib́ĭcè adèb́ètha kî adèthaèni nu.
Manè̄, dèhlî̆ nu aihta gajă ḿî dè awîaè, dèdî̄dèhma, kî dè ab́èabò gŏmihtĭda lò.
Tcabò̄ Apa b́èlò̄gè wa pwedè̄! Cè b́èlò̄sôgè wa pwĕ acab́ô̆ wò mò tanigè akè b́è jo Kib́ĭcè Aphoali nu—kî wî ḿîgè gōnu hŏ! Wî ḿîgè gōnu akhoacè̆ lākho dî thîhè̆gè wa ńò, kî zî dî thîhè̆ Kib́ĭcè ńò ńò.
Bija htè asòkhĕńe Kib́ĭcè adèhmèla tòcò nu, ḿî bija aò d́ŏ Kib́ĭcè abu kî Kib́ĭcè ò d́ŏ zu bu nu. Wî thîhè̆b́èkò̆ d́ŏ Spirito Tcahtĭ ilani wa akhoacè̆ wî thîhè̆kò̆ htè Cò ò wu bu nu.
Bija htè anoabèdè tòcò anikhĭ dèmònib́è ḿî ajo lò. Jî gî̄ ḿîb́è cî B́ĭcè kî zi gî̄ ḿîkò̆ Jo pho.
