10 Hlĕ Ci thĭ nu, Ci thĭlè̄kè̆ dèkhòwè, kî dèkhòwè do no dè b́è be Cè ńò, kî khŏnujo Zè dèò ḿî ploplo kî Kib́ĭcè.
Mègōnu, Kib́ĭcè dî ḿî athĭ tòcò Ab́ĭcè ńò, ḿî aò tòcò Ab́ĭcè. Manè̄ d́ō, bija lŏcăcè òkô cè akhoacè̆ lò,” Cò d́ògè lōwa tòcò do.
Gōnu akhò̆, thĭ gō gomob́è thĭ thĭlè̄kè̆ dèkhòwè, ḿî òthôḿô̆gè d́ŏ B́ĭcè abu d́ŏ Jezŭ Krĭstu abu nu.
Acab́ô̆ wî thîhè̆ adĕ Krĭstu nu b́è b́awè̄htoge htŏ dèthĭ aklè̆ kî Ci di thĭ b́è taplă be ńò. Dèthĭ do no dè b́è Cè ńò.
Dè d́ŏ phehî adèhmèla adèmè kèhta ńò nu, Kib́ĭcè mègè. Kib́ĭcè thodŏlegè Zo Pho agî̄ phînigè dèneb́î̆cè htè dèkhòwè phîgloi nu akhoacè̆, Zi cirrathĭgè dèkhòwè.
Kîd́ò̆ Ci thĭ nikhĭ bija lŏcăcè, ḿî cab́ô̆htè bija atha ò thôḿô̆ tòcò kò tò òbò̄ cè dèbwè dèbwè ladū anikhĭ lò ńò, ḿî d́ŏ Zè dèthĭ acè̆ Ca b́awè̄htoge bija lŏcăcè dèbwè anikhĭ lò nu.
Krĭstu nu Cò òhlô̆òlakî dèkhòwè lò. Barasă d́ō, d́ŏ wè dèkhòwè acè̆ Kib́ĭcè i khanikhĭgè Cè, cab́ô̆htè wè gè̄ lè̄plo we ne kî Cè, kî nib́è Kib́ĭcè adèdî̄dèhma nu.
Manè̄ kò̄ d́òdo dō, Krĭstu thĭgè dè adîdî̄dahma ńò abu dèkhòwèpho anikhĭ cab́ô̆htè Ze gē leihŭbò̄ wa d́ŏ Kib́ĭcè ò nu.
Dè ajo acè̆ Vanzĕlō b́è d́ò̆htôlanigè athĭ tòcò papa, cab́ô̆htè cè kè̄ b́è cirrabò̄ acab́ô̆ bija aòkî phehî kî kò òbò̄ acab́ô̆ Kib́ĭcè ò kî Spirito Tcahtĭ nu.
