4 dèssègnè̆bòdò mèni wa dèkhòthad́ò̆, dèkhòthad́ò̆ mèni wa dèthagolō, dèthagolō, mèni wa dèsascĭi.
Òsò̆hto hmeglobò̄, kî thĭ gī nib́èkò̆ dèhlô̆htage.
Dè gŏ amo d́ŏ Cè Tcahtĭ abu nu ḿî ab́èhwela d́ŏ dèthèhlô̆ wa anikhĭ, cab́ô̆htè wò kò òbò̄ dèsascĭi d́ŏ Cè Tcahtĭ adèi wa dèthozôthazô kî dèikhoiă acè̆ nu.
Kî thĭ neb́î̆cè thè̆ne thîhè̆ tèpwè cè ḿî bija alīdobwîthè̆ dèbwè, cè kî jè ḿî acab́ô̆ thè̆phopa akhò̆ nu, wè mèjīplo lōwa dè d́ŏ Vanzĕlō adèdohtahtô̆hta anikhĭ cadè̄ nu.
B́ĕjo wè dèsascĭi ḿî acab́ô̆ wa thathôḿô̆ alosu akhò̆ nu, aò ladîlase, hmetekle kî aphlòtôlô dèthèd́od́îd́ă, alenī do d́ŏ dèlletcahtĭ nu.
Ab́èhôwî ḿî bija htè akhòthad́ò̆wî̄thazô i dèdî̄tca, manè̄ b́ĕ zò sò̆hto hme d́ŏ dèdî̄tca aklè̆ nu, zi gī nib́èkò̆ dèthôḿô̆ akhocò̆ htè Kib́ĭcè aḿăkhaigè bija ab́èlò̄ Cè tòcò nu.
Ahluată lŏcăcè Ab́ĭcè htè ajogè wa d́ŏ dèdòdèthe alahtŭlablo d́ŏ Jezŭ Krĭstu abu dèbwè nu, Cè thè̆ne gè̄ mè pĕhtazòhta kî ki ikhoiăkò̆ wa b́ĕ wa kha hwă dèssègnè̆ tîkî nu.
