11 Thagolō mèbò̄ dè Kib́ĭcè anikhĭ d́ŏ dèthagolō kî dèhtukhohtuă abu nu. Thĭ dèsascĭi kò ò ma d́ō, agè̄ mèmòmèma tèpwè thĭ.
Kîd́ò̆ dèkî̆kkèmèhlò̆ kò òèhta akhoacè̆ bija òè̆bwè adèb́èlò̄ gō colakò̆.
Kîd́ò̆ cî b́icè d́òge cè, ‘Zôpho akî̆kkèmèhlò̆ kî akoaklô dèbwè, nî thîhè̆ tèpwè htè jè kèb́u d́ŏ jè dè phwèla ńò alle nu. Jo htuplo dè d́ŏ Ja da bāla ńò alle nu.
Cè b́è thôithò̆i nòthò̆ Kib́ĭcè aklèthòò̆ bu kî d́ò̆htôd́ò̆dèlè nòthò̆ bija d́ŏ dèthosôthasô abu kî thèihŭ ladîlase nòthò̆ bija Jezŭ awîakè̆ hnò̆nu, zi thîhè̆ jŭ Zowănnī adèŭsab́ăhtĭ kòlò̆.
Ja khazôgè Kib́ĭcè d́ŏ dèbè̄b́ôla ane kî dègādŭhtĭla abu nu, ja khab́ègè dèothootha kî dèbadèsè̆ d́ŏ Jŭdapho tòcò acukhòbu nu.
Zôbwè htè ab́èjo d́ŏ Kib́ĭcè ò dèbwè nu phî̆htagè Kib́ĭcè abwèòhlô̆òla kîd́ò̆ Kib́ĭcè abwèhlô̆ nib́ègè Kib́ĭcè adèjo agî̄ phî̆hta Krĭstu azôabwè.
Bija htè a ahumèkè̆dè tòcò nu, sò̆tab́abò̄ dè ahuatoklŏ, phîmèabò̄ d́ŏ dèdî̄dèhma abu, cab́ô̆htè thĭ gī nib́è thĭ nikhĭ kî thĭ gè̄ mèzo zabò̄ bija aè̆ tò ò ńò tòcò anikhĭ khĭ.
Ab́icè tòcò, gomohtanibò̄ thĭ ḿî Kib́ĭcè aò Mò̄kho azôabwè, kî mèibò̄ thĭ zô thĭ bwè tòcò d́ŏ dèdî̄dèhma abu nu.
D́ŏnu agò̄hta, ca tha mè lōsŏlōkhè̆ ze ne d́ŏ dèhè bija hi, hta dawa la dawa lò. D́olĭ kî anu, cè tòcò thagolō d́òmēsepwè bija, kî wî̄nīsanī d́ò dèjî̄b́è htè atè b́èkja cè ńò tòcò nu za tèpwè lò.
Wè b́è ilani htŏ htĭge ade gleglā za ńò. Mègōnu wî gî̄ phîgloi hme d́ò̆è ahluată ab́èila tòcò d́ŏ dègōla thèb́è̆hta Kib́ĭcè d́ŏ dèd́ŏdèj́a kî dèscisă abu.
Mègōnu d́ō, d́òlabò̄ thĭ dèkhòwè d́ŏ dèbwè kî dèbwè ò, kî thèb́è̆hta hlèbò̄ lōwa dèbwè kî dèbwè anikhĭ cab́ô̆htè thĭ gô hlô̆htagebò̄ nu. Manè̄ bija adî̄ahma dèbwè adèthèb́è̆ dîgrînî nu ḿî akhlŏhtamame pwĕdimi acè̆ nu.
Thĭ sòkhĕńe htŏ dèdî̄dèhma kî mèplî̆mètcă htŏ thĭ tha htŏ. Thĭ b́èlò̄hlè lōwa acab́ô̆ thè̆buthè̆we ahnèhnè nu.
Aŭsu ḿî b́èlò̄hlèbò̄ lōwa, manè̄ d́ō, dèb́èlò̄ b́ò̆b́i dèkhòwè pwĕdimi acè̆ nu.
Mè nòthò̆ do hnò̆nu, jò mò d́òmò sa thĭ ò dèdè̆; thĭ dèb́èlò̄ jòla d́olĭgè kî hlĕ akăhtî nu.
