10 B́èlò̄hlèbò̄ lōwa acab́ô̆ athè̆buwe nu, kî d́ŏb́èjab́èhlèbò̄ lōwa acîahtwè.
D́ŏ thĭ klè̆ nu dè gī dî ḿî gōnu ńò, ḿî thĭ klè̆ dèbwèbwè gā thaè dolĭ akhò̆ d́ō, za khazô d́ò̆è thĭ.
Ḿî ne gē le ò d́ŏ ale agudulă nu d́ō hib́icè kò d́ò nè, ‘Athò htabò̄ ahlò̆mò̄ tîkî!’ nu, ni gī nib́èkò̆ dètcamūkă d́ŏ aletcaplo nè pwè̆ tòcò ahlò̆mò̄ nu.
Jè hmèla thĭ dè ajo tòcò nu cab́ô̆htè thĭ kè b́èlò̄hlèbò̄ lōwa nu,” Cò d́ò lōwa tòcò do.
Jè thèb́è̆hta acab́ô̆ cè tòcò lŏcăcè gî̄ ḿîbò̄ dèdè̆ lò nu. Ŏ Apa, acab́ô̆ Ńò ò Ju bu, kî Jò ò Nu bu akhò̆ nu, cè tòcò kò òbò̄ d́ŏ Wu bu nu. Kî cè tòcò gî̄ ḿîbò̄ dèdè̆ lò, d́ō Lākho ku b́u htè No thodŏle Jè nu.
Ab́udè tòcò lè̄la athoatha dèmè̆ lò kî tò d́ò aòi adî̄adè ńò, ḿî òimèiplo lŏ lōwa lò.
Mègōnu d́ō, ibò̄ cè dè htè thĭ kè̄ b́èi tòcò nu. Gajă ḿî dèthwè̆ htè thĭ b́èi ò domomo nu ilabò̄. Kîd́ò̆ d́è̆lî̄bò̄ dèd́ŏdèja kî dè bè̄dòbè̄the lŏ cè tòcò ò nu.
Thè̆buwe tòcò, acab́ô̆ thĭ thîhè̆ atherĕ nu, thĭ b́è jolegè d́ŏ dèòhlô̆òla alle nu. Ḿî sòibò̄, cab́ô̆htè agè̄ dè mènibò̄ thĭ dèmèmòi ane ńò nu. Mèihlèbò̄ lōwa dèbwè kî dèbwè d́ŏ dèb́èlò̄ adèphîdèmè abu nu.
Spirito Tcahtĭ adèila ḿî acòklîlasă; dèb́èlò̄, dèmòdèma, dècodèkhli, dèkhòthad́ò̆wî̄thazô, dèthowîthamò, dè è dè ò̆, dèdî̄dèhma,
Manè̄ d́ō, d́ŏ Jezŭ Krĭstu abu nu, nè b́è dèhô̆rîkî̆ aphekhĭ ḿîwî, nè tè b́è ńò ḿîwî, akhlŏhtamame tò ò tèpwè dimĭ ńò, ḿî dèb́u wò òi wa thabu d́ŏ dèb́èlò̄ abu nu.
D́ŏ thĭ dèthaèni thĭ nikhĭ dè domomo ḿîwî, dèbè̄do ane anikhĭ ḿîwî, mèbò̄ ḿè dimĭ ḿè, ḿî salabò̄ thĭ ne dèbwè kî dèbwè alè̄ kî òibò̄ dègomogamā htè bija alewe tòcò ḿî bija aè d́olĭ thĭ nu.
Manè̄, wî thîhè̆b́è thĭ dèb́udènè d́ŏ Krĭstu Jezŭ abu kî thĭ dèb́èlò̄ bija tcăhtĭ lŏcăcè akhoacè̆ nu.
Ab́èkja dèb́èlò̄ thè̆buwe ab́uge dè nu, amò hweni thĭ cè ale tò ò tèpwè ńò. Thĭ thè̆ne thĭ thîhè̆ tèpwè Kib́ĭcè thèhlô̆ htŏ thĭ htè thĭ kè b́èlò̄hlè lōwa cadè̄ nu.
Thè̆buthè̆we tòcò, wò mò d́òhlud́òtă Kib́ĭcè d́ŏ thĭ kho thĭ cè̆ thèjô̆ lò. Wò mò mè tèpwè gōnu hŏ. Manè̄, thĭ dèb́udènè dohtasô, thĭ dèb́èlò̄thòklè̆ hlè lōwa dèbwè kî dèbwè sôhtahta.
B́èlò̄hlèbò̄ lōwa acab́ô̆ thĭ ḿî Krĭstupho tòcò nu.
Thĭ sòkhĕńe htŏ dèdî̄dèhma kî mèplî̆mètcă htŏ thĭ tha htŏ. Thĭ b́èlò̄hlè lōwa acab́ô̆ thè̆buthè̆we ahnèhnè nu.
D́ŏb́èj́ab́è kî b́èlò̄bò̄ bija aòwe dèòplo abu gŏ abwè; ascisăni Kib́ĭcè ale kî j́ab́èbò̄ saphrado.
Gōnu akhò̆ thĭ htè athozethaze tòcò nu, òbò̄ adoabwe tòcò akălè̄. Thĭ lŏcăcè thòhtabò̄ dèmèpho ascid́ŏ htè ad́è̆lî̄ dèkhazô lōwa dèdè̆ nu, manè̄ d́ō, “Kib́ĭcè nô bija abè̄htahtô̆ ane tòcò nu kî Ci i abè̄b́ôla ane tòcò adèhludètă,” acè̆ nu.
thĭ dèthub́uthèb́è̆ kî thè̆buwe adèb́èlò̄, thĭ thè̆buwe adèb́èlò̄ kî dèb́èlò̄thòklè̆.
B́èlò̄ athò tòcò, Kib́ĭcè kè b́èlò̄ ma wa pwĕ gōjo d́ō, wò mò b́èlò̄hlè lōwa dèbwè kî dèbwè.
Wò d́ò hwă wè b́èlò̄ Kib́ĭcè, wè gè̄ tè b́èlò̄ ma wè thè̆buwe ńò d́ō, wî ḿî tèpwè bwèplè lò. Manè̄ d́ō, wè gè̄ dè wè̄ dè sè̆ ma wè thè̆buwe htè wè kèhtî za tòcò ńò d́ō wè kè b́èlò̄ za d́ò̆ Kib́ĭcè wa da tcahtî za ńò dèbwè nu cadè̄?
