30 Acab́ô̆ thĭ b́ăkhlèhtagè hlĕ adò sòkhĕńe Kib́ĭcè alē ńò ḿî khŏnujo anib́è dèkhòwèhmòb́è, d́ŏ Jŭdapho tòcò dò sòkhĕńe dè ńò acè̆ nu.
Kib́ĭcè dî phîge Zè dèila tòcò ńò kî Za da b́ăkhlè Zè dèrôhlè ńò ńò.
Cab́ô̆ gōnu akhò̆, d́ŏ dèkhòwèhmòb́è thĭ nibègè acè̆, khŏnujo Jŭdapho adò sòkhĕńe Ze lē ńò tòcò gī nib́èkôkò̆ Kib́ĭcè adèkhòwèhmòb́è nu.
kî Zè gè̄ mèzo bwèthŭkupho tòcò agā htăhtai Kib́ĭcè d́ŏ Zè dèthakhòwè acè̆ nu. Acab́ô̆ dèhwela ò, “Ajo akhoacè̆, Ja gā htăhtaikò̆ Nè d́ŏ bwèthŭkupho tòcò ahlò̆mò̄ kî thăbô̄ikò̆ Ni mi,” nu.
Ab́èkja dèòladūlahwè tcahtĭ nu, ji di nib́è dèhmèla d́ŏ B́ĭcè ò dimĭ ńò, ḿî d́ŏ jè thè̆ne adèikŏikja abu, B́ĭcè adèkhòwèhmòb́è acè̆, òhmeòglo htŏ tèpwè.
D́ŏ Kib́ĭcè adèkhòwèhmòb́è abu wè b́è ilanigè dèŭitcai adèmè ajo nu d́ō, d́ŏ wa dòkhò̆b́è nu dèkhodèă jòla tò ò tèpwè ńò.
Hlĕnu thĭ ḿî bija aòthôḿô̆gè acab́ô̆ dèthaèni jo adèhnakhosòkă thĭ kî thĭ dèòthôḿô̆ b́è ŭigè dè ajo tòcò nu.
Jo pho Timò̆theo, jè hmèla nè dè ajo ḿî dèlôkô Prò̆fèt adèd́òhnèdòlò ab́èkja nè nu. Sòthŏibò̄ dè ajo tòcò acab́ô̆ dèrî̄dècŭ, cab́ô̆htè no gō d́obò̄ dèd́o awîaè anikhĭ nu.
Bija htè Zô hôd́ă agē de lenīb́è dèsò̆dūsòd́è̆ alle ńò tòcò nu, dî ḿîbò̄ adò sòkhĕńelēthèhô̆ dè ńò tòcò nu nā?
Hlĕ mocè̆kho nu, thĭ dî ḿî thagò̆ bija dikhwĭ ńò, ḿî khŏnujo, thĭ phî̆htagè Kib́ĭcè abija, hlĕnu thĭ ògè Kib́ĭcè adèkhòwèhmòb́è akhlŏ, ḿî khŏnujo dèkhòwèhmòb́è b́è ilanigè thĭ.
