25 Mègōnu zè wè̄htodanā d́ŏ bija ahlò̆mò̄, phî̆hta ze leḿĭ htè zò sòmĭlăigè nu kî gegè ahi d́ŏ dèhtăhtai Kib́ĭcè abu nu.
Bija aboahò kèhtî dè ajo d́ō, zi scisăgè, kî htăigè Kib́ĭcè adòathe, htè aila bija dècô̆dèthèlè̆ ado pwĕ gōnu dèbwè nu.
Hwî̆caka, zè wè̄hto phînigè ze leḿĭ kî ge tèpwègè d́ŏ bija lŏcăcè ahlò̆mò̄ nu. Bija tòcò htèdômô̄dahmă sôgè kî htăhtai Kib́ĭcè kî cò d́ò, “Wa da tcahtîgè dè gōjo dakhă ńò.”
kî htèlagè Cu cukhò lōwa akho kî za jadē danāge d́ō cò kòihtăigè Kib́ĭcè.
Za tcahtîge dè taplakhă lò, kî lôkôgè Jezŭ ale, thîhè̆htagegè Kib́ĭcè. Bija atcahtî dè ajo lŏcăcè htăhtaigè Kib́ĭcè.
Jezŭ tad́ăhta acukhò, tòb́è cè kî d́ògè, “Jè dèthaèni ò hŏ, wîtcăge d́ò̆è.” Taplakhă lò, akaĺaki dèsè̆ hlè̆mè̄ danāgè.
Mègōnu cè tòcò jo agādŭkhi dèbwè tapla be kî d́ò, “Ŏlăbò̄ d́ŏ Kib́ĭcè ahlò̆mò̄ ńò d́ò̆sadè ḿî adî̄ahma lò nu! Wî thîhè̆ tèpwè htè bija ajo dèbwè ḿî dèkhòwèpho nu,” cò d́ò lōwa do.
