17 Ḿî Zè gè̄ kèhtabò̄ lōwa tòcò athè̆buwe d́ŏ dè gŏmihtĭda abu, agî̄ ḿî Kib́ĭcè aphŭgima adî̄ahma, akhòwèhmòb́èdè kî Ce ke plehlô̆kèhtabò̄ bija adèkhòwè nu.
Ploplo kî Jezŭ Krĭstu jè mèkèhta htŏ Kib́ĭcè anikhĭ pwĕdimi akhoacè̆ jî phîdophîmu tèpwè je ne, jo gomo do.
Wî ḿî tèpwè Kib́ĭcè athè̆d́ĕd́ò, nòthò̆ hnò̆nu Zè mèthòge hwăgè wa d́ŏ Zo pho adèthĭ lò. Khŏnujo wî ḿîgè Kîb́ĭcè athò tòcò nu d́ō, Krĭstu adèò akhoacè̆ wô hlô̆hta htŏ wò tò d́ò za d́okhlŏ ńò ā?
D́ŏ dèkhathĭ ane d́ŏ Krusu alò acè̆, Krĭstu mèkŭdugè dè dè wè̄ dè sè̆ lōwa ńò, kî Krusu ḿî cab́ô̆htè bija gīkhwĭ gè kèhtagebò̄ dikhwĭ lò, kî cè tòcò ka d́ab́agebò̄ ane d́ŏ Kib́ĭcè ò nu.
Tapla nu thĭ òjîkî Kib́ĭcè, thĭ htad́ĕd́ògè Cè d́ŏ thĭ dègomogamā kî dèphîdèmè akî̆kkèmèhlò̆ tòcò abu lò.
Kîd́ò̆ wi nib́è phŭgido atcai Kib́ĭcè ahi dèbwè nu.
Manè̄, amè tcahtĭ dè dèbwè kî ab́è mèwîmètcă tòcò ḿî zî ḿî lŏ dikhwĭ lò d́ō, Zo jogè lōwa tòcò, “thè̆buwe” akhoacè̆,
Pholi tòcò nib́è thwihtĭ domo lò akhoacè̆, cab́ô̆htè Cè htè aphlŭathere ò Mod́èlî akho d́ŏ Zè dèthĭ acè̆, Zî gî̄ phîkè̆bò̄ Mod́èlî aphlŭathere,
Manè̄ d́ō, Zè dè mèphî̆hta Ze ne Mò̄khobwèzo ńò, ḿî Zè mèphî̆hta Ze ne d́ŏ Abraham akhwĭthèlè̆ bu akhoacè̆ nu.
Jè thè̆buthè̆we Krĭstupho, anib́è Kib́ĭcè adèjo tòcò, gomohtanibò̄ Jezŭ, htè Kib́ĭcè thè̆legè agî̄ ḿî ab́udè tòcò anikhĭ Phŭgima nu.
Zò sò̆hto hmetekle d́ŏ Kib́ĭcè htè arôhta Cè dèbwè anikhĭ, acab́ô̆ Mŏzè nu, Cò òhmeòglogè d́ŏ lōwa ahibu nu, ḿî Zò mò tani dèphlŭdèthere d́olĭ kî Mŏzè è̆ nu dòkhò̆.
Mŏzè ḿî asò̆hto hmeglo d́ŏ Kib́ĭcè Ahibu, acab́ô̆ zôpho dèbwè nu za kha thè̆thî d́ŏ dè akè b́è hlî̆htaphlò̆hta alekă tòcò nu.
Acab́ô̆ wò òigè Phŭgima ahtakhlŏ d́ŏ Mò̄kho ahtajîgudŭ Jezŭ Krĭstu, htè Kib́ĭcè Apho nu, wè dè lè̄dakè̆ za dèb́u htè wi nib́è htŏ ajo nu ńò.
Manè̄ d́ō, wu Phŭgima tè b́è adò khòthad́ò̆i kèhta wè dèthò̆jò̄bò̄la tòcò nu dèbwè ńò. Zî ḿî ab́è dèhlòdèplè d́ŏ klè gŏ ab́ò̆ acab́ô̆ wè b́ègè akhò̆ nu, nòthò̆ hnò̆nu, Zè dè mè dèkhòwè ńò.
Phŭgima gŏ abwè ḿî ab́èrôhta d́ŏ bija Lākhopho aklè̆ agē le gē ge cè tòcò anikhĭ d́ŏ Kib́ĭcè ahlò̆mò̄ nu, agū hluhtai dèhlu kî dèkhòwè adèplehlô̆ge anikhĭ lò.
kî Kib́ĭcè ilanigè Cè Mèlkĭzèdèk aphŭgima ahtŭaja.
D́ŏ cè thè̆ne adèthò̆jò̄bò̄la acè̆, zò khòwèhmòb́è kèhtakò̆ bija adî thî dè ńò kî amèkèḿèdè tòcò nu.
Krĭstu dî phîdò̆gè Phŭgima adòathe ńò, ḿî Zî phîgè d́ŏ ad́ò Cè; “Nî ḿî Jo Pho; kî khŏdini Jî phî̆htagè Na Pa,” dèbwè ò nu.
D́ŏ wô blô nu, Jezŭ lenī ŭsugè kî kèhta Phŭgima alahtŭlablo, acab́ô̆ Mèlkĭzèdèk ò nu.
Phŭgima gî̄ ḿîb́è awîatcahtĭ, adèkèḿè tò ò ńò kî aplî̆atcă. Cò kò òb́è d́ŏ dèkhòwèpho tòcò akho kî Cè kè̄ b́è zāhtajî dŏ Mò̄kho akho nu.
Dèhmèla lè̄hta phŭgima tòcò htè adèmèkèḿè ò, ḿî anib́è dèhmèla adèaḿăkhai dèbwè htè Kib́ĭcè Apho nu pĕhtazòhta lahtŭlablo.
Wò d́ò̆sa htŏ dèwîdèkè̆ lŏcăcè aklè̆, adogudŭ ḿî phŭgima awîakè̆. Ze lenī kî sańălăògè d́ŏ Mò̄kho d́ŏ Kib́ĭcè Ahĭahtè̆ ana acudèhtwè dòkhò̆ nu,
Phŭgima gŏ abwè gū hluhtaib́è Kib́ĭcè adèhlu d́ō, ajo dèbwè ḿî ḿî adèhluhtai kò òb́è b́è.
Barasă khŏnujo Krĭstu dole htŏ acab́ô̆ dèhôwî lŏcăcè aphŭgima dole nu. Ze lenīkô htŏ Hipho apĕhtazòhta kî ado d́olĭ Hipho bija prai acukhò, htè atè b́èkja cukhò adèb́òla ńò nu.
