14 Bija ajo tòcò ḿî ad́è̆lî̄ awāhlè ahtĭage tòcò nu.
Mègōnu wa ta tcagè dè ka tcahtî za nu dimĭ ńò, ḿî dè d́ŏ gā ta tcahtî za ńò tòcò lò. Manè̄ d́ō, dè ka tcahtî tòcò nu ḿî tod́odasa lò, kî ka ta tcahtî za ńò tòcò ḿî alahtŭlablo akhoacè̆ nu.
Ja tha b́ècwid́ahto d́ŏ dègīmo amēzo nu. Ja thaòsô d́ŏ agè̄ bè̄dakè̆ jè dèò kî ge ò thôḿô̆plo Krĭstu,
Bija ajo tòcò thĭ lŏ htŏ d́ŏ dèb́u abu nu kî nib́è htŏ dèaḿăkhai tòcò nu, barasă za tcahtî d́ŏ adòbò lò kî lèkha lōwa acab́ô̆ tî̆tèmè̆ kî bija ahèkôklè tòcò akhò̆ nu.
Tè b́è zo gomoi zi htĭ ze ge alila d́ō ca thaè geb́a ze lekă tòcò ńò. Agî̄ ḿî ma gōnu d́ō, akhwèaj́a d́ŏ zi nikhĭ kò ò tèpwè.
Ḿî cè tòcò thaèni htĭge aè khlŏlĭ, amò khlŏlĭ ajo, htè aḿî Mò̄kho htĭge nu. Kib́ĭcè mèhtani cè u, d́ŏ akhoacè̆, Cè b́è jo lōwa cî B́ĭcè nu, Ca ta thăwāi tèpwè ńò.
Manè̄ d́ō, d́ŏ Lākho akho jo, wo d́ŏ wa phă ahmeaglo tò ògè ńò acè̆ nu; wò sòmò̆dôigè wo d́ŏ wa phă d́ŏ alekholekă nu dòkhò̆.
