9 Gajă bija ad́òla ane aò dèhlî̆ aklè̆, barasă adèwè̄dèsè̆ athè̆buwe ńò dèbwè nu, cò òwe dèkhiklè̆.
Jezŭ d́ògè cè tòcò, “Thĭ gādŭ gī khi ma d́ō, thĭ dèkhòwè tò ò mè ńò. Barasă thĭ d́ògè, ‘Wa tcahtî dè,’ d́ō, thĭ dèkhòwè òwe thĭ lò,” Cò d́ògè lōwa tòcò do.
Tò òjī ni òjî̄ thè̆ ńò, bija ab́udè tòcò ladēplohlè lōwa, bija abwè ò dègèjè gīscĭ. Petru wè̄sò̆hto kî d́ò,
Manè̄ adèzwî̄dèè tò ò ńò dèbwè ḿî bwègādŭ zòbra ahè bōcubōkha kî asòthô̆bô̄hnègè htè ab́è ŭsab́ăthab́ă htŏ d́ŏ adèkhòwè hlĕ aŭsu tòcò nu dèbwè nu.
Mègōnu d́ō, wò ò hwă dèkhiklè̆, wò kò d́ò ma wò òplo Kib́ĭcè d́ō, wò d́òplèdè kî wò tò ò tèpwè dèdî̄dèhma abu ńò.
Zî gî̄ ḿî acab́ô̆ bija adè wè̄ athè̆buwe ńò acè̆ kî aòwe dèkhiklè̆, zè hè dèkhiklè̆, ze le ze ge d́òlè̄ nu, zî dî thîhè̆ ńò, dèkhisô d́ō ata tcahtî za ńò dèbwè nu ńò.
Bija htè atò òi Kib́ĭcè adèhmèla ńò kî ad́ò, “Jî thîhè̆ Cè,” dèbwè nu, Cî ḿî aplèdè kî atò òi dèdî̄dèhma ńò dèbwè nu.
Gōnu akhoacè̆ ge bēpha zakò̆ Kib́ĭcè Aphoali kî Mod́èlî azo. Bija htè adîdî̄dahma ńò ḿîwî, atè b́èlò̄ athè̆buwe ńò ḿîwî tòcò nu, zî dî ḿî Kib́ĭcè apho ńò.
Wò d́ò hwă wè b́èlò̄ Kib́ĭcè, wè gè̄ tè b́èlò̄ ma wè thè̆buwe ńò d́ō, wî ḿî tèpwè bwèplè lò. Manè̄ d́ō, wè gè̄ dè wè̄ dè sè̆ ma wè thè̆buwe htè wè kèhtî za tòcò ńò d́ō wè kè b́èlò̄ za d́ò̆ Kib́ĭcè wa da tcahtî za ńò dèbwè nu cadè̄?
