18 Hmèla cè tòcò agè̄ mèwî dè, agō dohtamuhtai dè mè awîab́è tòcò nu, akî ibò̄ dè d́ŏ dèthathòhlò̆ abu nu.
Bija ada nè dè dèbwè, ibò̄ cè; kîd́ò̆ bija athaè lò dè d́ŏ ńò ò dèbwè, d́uphlòḿĭ ḿè ne ne ḿè.
“Gōnu akhò̆ bija apulacò̆hta hwă ŭcalèkhjă anikhĭ lò, ab́èkja Kib́ĭcè nu adèjèdā ńò tòcò gî̄ ḿîkò̆ gōnu lò,” Jezŭ d́ògè bija tòcò do.
Cò d́òscĭge lōwa tòcò, “Bija htè ascid́ŏkhlŏ kò ò gīb́è dèbwè nu, ithòbò̄ aè̆ tò ò ńò nu tèb́è; kî adèadèò̆ ò tòcò nu, be abò̄ asò̆ta a ba tò ò̆ tòcò nu.”
Kib́ĭcè htôrôgè Jezŭ Nazarè̆thpho kî Spirito Tcahtĭ adèkhodèă cadè̄ nu kî Zè hè dalā b́è dalā, mèhmage bija aladēnī Mod́èlî acukhòbu tòcò cadè̄ nu. Manè̄, Kib́ĭcè òkô ca kă.
Mègōnu bōhmubicè tòcò bè̄lagè atha agè̄ thè̆le dèmèzo d́ŏ cè thè̆buthè̆we aò Judĕage tòcò pwĕ cè kèhta atherĕ nu.
Hlĕnu d́ŏ Jŏppa abu nu, bōhmubicè aklè̆ amihmu ami ḿî Tab́ĭtha ògè dèbwè; (Zi mi d́ŏ Grĭspho alē ḿî “Dò̆rkas,” ahtabohtab́ă ḿî “Jokhĭ.”) Amihmu ajo dèbwè ila lŏtholŏtha ane d́ŏ dèphîdèmè awîab́è kî dèkhòwèhmòb́è adèmè abu nu.
Bija tcahtĭ dèbwèbwè kò òbaòsè̆ ma d́ō, igetcagebò̄ cè. Thĭ dèphîdèmè tòcò gî̄ ḿîb́è dèkhòwèhmòb́è.
Athôithò̆i dè tòcò kò d́òŭd́ò̆sa d́ò̆è dè, amèhlumètă dè tòcò atha gò̄ hlò̆ d́ò̆è. Akhoane tòcò gā thagolō d́ò̆è, aigetcage dè tòcò gā thalōthalai d́ò̆è.
Gŏ Musòd́è̆ ani adĕ nu, thĭ dèbwè kî dèbwè, cab́ô̆ asciatakî thĭ dènib́è tòcò nu, thĭ b́è b́è̆lăbā pĭsa, cab́ô̆htè b́ĕ je ledohtî thĭ akhè̆ agò̄ do lobabò̄ thĭ htu ńò anikhĭ nu.
Thĭ dè thasô kò ò hnèhnè ma d́ō, tè b́è d́ŏ thĭ è̆ tò ò ńò abu ńò, ḿî b́ĕ dè òni thĭ abu Kib́ĭcè gî̄ phîni tèpwè thĭ è̆.
Gomohtanibò̄ B́ĭcè Jezŭ Krĭstu athahlò̆kò̆ pwedè̄ nu. Zî ḿî ajèdā, ḿî thĭ nikhĭ Zè ssègnè̆gè, cab́ô̆htè d́ŏ Zè dèssègnè̆ abu, Zè gè̄ mè jèdābò̄ thĭ nu.
Akhîb́èbòb́è athŭtherĕ, wè gè̄ mè b́è bija gŏ abwè anikhĭ dè aè d́okhlŏ wè thè̆buwe anib́èplo wa dèb́u tòcò nu.
Bija htè a ahumèkè̆dè tòcò nu, sò̆tab́abò̄ dè ahuatoklŏ, phîmèabò̄ d́ŏ dèdî̄dèhma abu, cab́ô̆htè thĭ gī nib́è thĭ nikhĭ kî thĭ gè̄ mèzo zabò̄ bija aè̆ tò ò ńò tòcò anikhĭ khĭ.
D́ŏnu agò̄hta, cè b́è ò kî zi mi zè khè̆ awî, bija ab́oi dohta aphoali thuŭthèè, amèi tî̆dotî̆tèḿè̆, aŭsab́ă Kib́ĭcè abija Tcahtĭ tòcò akhakhò, amèzo bija òbaòsè̆, aila ane d́ŏ dèmè awîab́è lŏcăcè tòcò nu.
Ci ilagè Ze neb́î̆cè d́ŏ wi nikhĭ cab́ô̆htè Zè gè̄ mèhlô̆htage wa d́ŏ dèkî̆kkèmèhlò̆ lŏcăcè, kî Za gā hna kèhta wa bija dikhwĭ htè aòwîòtcă kî ab́èkja htĕ Cè dèbwè lò, kî athasô d́ŏ dèmè awîaè tòcò nu.
Ajo ḿî dèjî̄b́è adî̄ahma lò. Ja thaèni d́ŏ nè gè̄ bè̄hta na tha lasădè̆è dèwîdèkè̆ ajo cab́ô̆htè bija ab́ugenège Kib́ĭcè tòcò gè̄ bè̄thobè̄tha b́èkjakî dèila ane d́ŏ dèmè awîaè htè akèhlukètă bija gŏ abwè nu.
Sòthô̆bô̄hnèbò̄ ḿè dèphîdèmè awîaè kî dèmèzohlè lōwa nu ḿè, manè̄ dè ajo tòcò nu ḿî dèhlu ab́ètha Kib́ĭcè tòcò nu.
B́èlò̄ jè thè̆buwe tòcò, sòkhĕńebò̄! Kib́ĭcè rôhlègè bwèssègnè̆ d́ŏ Lākho akho jo ḿî agī niò̆jòa d́ŏ dèb́udènè abu kî agī nib́è Htĭge htè Kib́ĭcè aḿăkhai htŏ aki i bija htè ab́èlò̄ Cè tòcò nu tèb́è d́o ńò ā?
Ca ka d́aphlòḿĭ d́ò̆è ze ne d́ŏ dèkî̆kkè aklè̆, kî mè d́ò̆è dèwîdèb́è.
Wa htè alākho adî̄adè ò kî atcahtî athè̆buwe òbaòsè̆, ḿî ada tca tô ô lōwa ńò d́ō, Kib́ĭcè adèb́èlò̄ kò òkô za wa kă cadè̄?
Ŏ jò thò, tcahlô̆tcad́ò̆bò̄ ḿè bija ajo tòcò adèmè atè è ńò ḿè, ḿî tcad́ò̆bò̄ dè aè dòkhò̆. Bija amèdè aè ḿî Kib́ĭcè apho, ḿî bija amèdè atè è ńò dèbwè dè kèhtîgè Kib́ĭcè da kha ńò.
