18 Aramaʉ̃ne Daizezebara izha sozuburia krĩñata sozuburia bꞌʉa, bedꞌea ũrĩ ẽã zarea nʉmabi krĩñata zarea nʉmabi bꞌʉa.
Daizezebara mawũãsia: Ĩjãna ẽãba mʉãrã ãnatʉsia ãzhi dabʉra, zarea duanusia ãzhi sora, aramaʉ̃nerã ũdudꞌa ẽã dabʉbara, sãwũãta kꞌawuadꞌa ẽã sobara, miã kꞌazhiruara ãmape mʉ pẽwãna ẽã mʉã ẽdrʉbigaira. (Isaías 6:10)
Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.
