14 Jõma Daizeze Jawurebiadꞌeba nʉmerã Daizeze warrarã.
Sobiaudua zhãrãta zhiya adu-a duanabi bꞌera, mawũãrã Daizeze warrarã adꞌaya.
Mawũãmina izhita bia edadꞌapeadꞌara, izhidꞌebemata ĩjãnapeadꞌara Daizeze warrarãta duanebisia.
Ne jõma izha okuadꞌabara maʉ̃ta krĩña bꞌeba jʉ̃ã bꞌea ũdubimarẽã zhi warrarã bia nʉminapʉta Daizezeba.
Zharadꞌebemane bꞌera krĩcha bꞌea zharadꞌebemane. Mawũãmina Jawurebiadꞌeba bꞌera krĩcha bꞌea Jawurebiadꞌebemata.
Mawũãmina marã zharadꞌebemane nʉme ẽã, awuarabʉrʉ Jawurebiadꞌeba nʉmeã Jawurebia Daizezedꞌeta marãne edꞌa bꞌʉbʉrʉ. Iabꞌaʉta Jawurebia Cristodꞌeta ne ẽbʉrʉ izhidꞌe ẽã.
Maʉ̃ẽnabemata dewara mawũã bꞌʉa: Mʉãrã marã mʉrẽrã ẽã adꞌata, Daizeze zokꞌai bꞌʉ warrarã aya. (Oseas 1:10)
Aramaʉ̃nerã Abraham warrarã bari zharadꞌeba bꞌera Daizeze warrarã ẽã. Awuarabʉrʉ Abraham warrarã Daizezedꞌera warra izha jaradꞌadꞌebema.
