8 Mawũãmina Daizezebara izha dazhira kʉãgꞌata kꞌawuabibʉrʉta wadꞌi kꞌazhirua omiãta bꞌedꞌe Cristota beubisia dazhibari.
Kʉãgꞌata kꞌãbãẽã erubꞌʉbara izhi bebuta diaya izhi bawara zhibiarãbari.
Daizezebara ẽjũãne bꞌera kꞌãbãẽã kʉãgꞌaba diasia zhi Warra abꞌa bꞌʉta, izhidꞌebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.
Dazha bia ẽãta obꞌʉba Daizezera biata ũdubi bꞌʉbʉrʉ, ¿kꞌãrẽta jaradꞌaipe? ¿Daizezera bia ẽka bia ẽãta obʉrʉ kꞌarea zuburia obʉrʉdꞌera? Mʉrã bedꞌea kꞌobꞌʉa zhãrã mawũã bedꞌea bꞌedꞌe.
Daizezebara Jesús chãbꞌarisia beumarẽã dazhirã kꞌazhirua omiãta bꞌebari, beudꞌata piradrʉbisia dazhirã bedꞌea ne ẽã bꞌʉita.
Moisé ũrãgꞌara nʉmʉsia kꞌawuabigaita kꞌazhiruata kꞌãbãẽã obadata. Kꞌazhiruata mawũã kꞌãbãẽã obadadꞌebara Daizezebara kꞌawuabisia izhi biaba kꞌãbãẽã sozuburia bꞌʉta.
Dazhira ẽdrʉidꞌe bꞌʉ ẽãne ewarita arababʉrʉdꞌera Cristora beusia dazhi bia ẽãta bꞌebari.
Wãrãnebai miõta zhi beabi ẽã biabarira, baʉcha iabꞌa zhi beabiya biabarira.
Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?
jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.
