12 Kꞌazhiruara naʉ̃ ẽjũãẽna zesia ũmakĩrã abꞌaʉdꞌeba, maʉ̃ kꞌazhiruadꞌeba nʉmesia bebuta. Aramaʉ̃ne jõma beu nʉmesia jõmaʉ̃ba obadaba kꞌazhiruata.
Jõmaʉ̃ba kꞌazhiruara obada, mawũẽ ãĩ bꞌea Daizezeta kĩrãwãrẽãnebara.
Abꞌaʉba kꞌazhiruata odꞌadꞌeba Daizezebara zhãrã jõma aduabigaidꞌe nʉmʉsia, aramaʉ̃ kĩrãkꞌa abꞌaʉba biata odꞌadꞌeba bedꞌea ne ẽã oira zhãrã jõmaʉ̃ĩtabemata izhi ũme bꞌai jõ ẽã bꞌabiya.
Adánba Daizeze bedꞌeata aribꞌae ẽbadꞌaba zhãrã jõma kꞌazhirua omiãta nʉmʉsia. Aramaʉ̃ kĩrãkꞌa Jesúsba Daizeze bedꞌeata aribꞌaedꞌaba zhãrã bio bedꞌea ne ẽã bꞌʉya.
Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.
¿Bia ẽãta obꞌeadꞌadꞌebara kꞌãrẽ biata jidasidꞌa, maʉ̃nebara idꞌidꞌera marã pera duanu ẽka? Maʉ̃nebara aduaita beuya.
Kꞌazhiruata obꞌʉdꞌebara aduaita beuya. Mawũãneba Daizezebara izhi ũme bꞌai jõ ẽãta bari dia bꞌʉa Jesucristo dazhirã Nokꞌodꞌeba.
