9 ¿Mawũã sobia bꞌaira bari kꞌakua e kꞌõ bꞌeitabemakꞌa, kꞌakua eta kꞌõ ẽã bꞌeitabidꞌa nʉmʉ ẽka? Daibara jara bꞌea Daizezeba jarabʉrʉta Abrahamba ĩjãbʉrʉdꞌeba bedꞌea ne ẽã bꞌʉdꞌata.
Izhira ʉ̃nata bꞌʉba ẽdrʉdꞌaita kꞌawuabigaya judíorã ẽãta bꞌea, aramaʉ̃ne izhikꞌareuba bia trʉ̃poa nʉmaña Israel bʉreta bꞌera. (Isaías 42:6; 49:6)
¿Sãwũã bedꞌea ne ẽã bꞌʉsi? ¿Kꞌakua eta kꞌõpe bꞌʉdꞌe o kꞌakua eta kꞌõ ẽã bꞌʉdꞌe? Mawũã bꞌʉ ẽbasia kꞌakua eta kꞌõpe bꞌʉdꞌe, awuarabʉrʉ mawũã bꞌʉsia kꞌakua eta kꞌõ ẽã bꞌʉdꞌe.
Maʉ̃ẽnabemata zhi bꞌʉmata mawũã bꞌʉa: Daizezeba jarabʉrʉra Abrahambara ĩjãbʉrʉba bedꞌea ne ẽã bꞌʉsia.
