15 Moisé ũrãgꞌara aribꞌaedꞌa ẽãba Daizezera kĩrũbi bꞌea. Mawũãmina maʉ̃ ũrãgꞌata ne ẽã maẽrã maʉ̃ ũrãgꞌadꞌe wãẽãnaĩ ne ẽã.
Mʉta zepe zhãrãta ũrãgꞌa ẽbasibʉrʉ kꞌazhirua ne ẽã bꞌeakꞌausia, mawũãmina ũrĩkꞌawua nʉmeba kꞌazhirua ne ẽã bꞌea abꞌedꞌa ẽã.
Zhi Warradꞌebemata ĩjã bꞌʉbara erubꞌʉa Daizeze ũme bꞌai jõ ẽãta, mawũãmina zhi Warradꞌebemata ĩjã ẽãbara erubꞌa ẽã Daizeze ũme bꞌai jõ ẽãrã, awuarabʉrʉ Daizezeba kĩrũbiba pua kꞌawua oya.
Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.
Naara Moisé ũrãgꞌa ne ẽbasidꞌeuba kꞌazhiruara obꞌea ẽjũãnerã, mawũãmina ũrãgꞌata ne ẽãba bedꞌea bara bꞌea a ẽbasia kꞌazhiruata obꞌera.
