26 Mawũẽ idꞌi ewadera izha sãwũã bedꞌea ne ẽã bꞌʉita kꞌawuabi nʉmʉrã izhira biata bꞌʉba bedꞌea ne ẽã obꞌʉa zhi ĩjãbʉrʉra Jesúsdꞌebemata.
Zacaría warra zarea warisia Jawurebiaba. Izhira drua drudrua tabꞌʉ maẽ bꞌasia miã ũrãgꞌaita zhi ũdubigadꞌa ewariidꞌu Israel bꞌea.
Daizezeba dazhi bedꞌea ne ẽã bꞌʉira Jesucristota bꞌʉdꞌata dazhibari wa erezoadꞌata ĩjãbʉrʉdꞌeba nʉmʉã, aramaʉ̃ne izhara sãwũã bedꞌea ne ẽã bꞌʉita kꞌawuabi bꞌʉba zrogꞌa bedꞌea ne ẽã okua bꞌʉa kꞌazhiruata odꞌapeadꞌara nawedꞌa.
¿Aramaʉ̃nerã arakꞌãwũãrã bia nʉmaĩka? ¡Arakꞌãwũãrã ãĩ bꞌʉya! ¿Bia nʉmaĩka Moisé ũrãgꞌadꞌebara? ¿Bia nʉmaĩka maʉ̃ ũrãgꞌata aribꞌae bꞌʉdꞌebara? Mawũã ẽã, awuarabʉrʉ bia nʉmaña Jesúsdꞌebema ũrãgꞌata ĩjã bꞌʉba.
Maʉ̃ẽnabema Daizezera abꞌabai bꞌʉa. Mawũẽ izhara Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ bꞌera, Jesúsdꞌebema ĩjãbʉrʉdꞌeba bedꞌea ne ẽã bꞌʉya kꞌakua eta kꞌõ ẽã bꞌera.
Mawũãmina kꞌãrẽ o ẽãne bia ẽãta bꞌʉra Daizezebara bedꞌea ne ẽã bꞌʉbarita ĩjãrã, mawũã ĩjãbʉrʉdꞌeba bedꞌea ne ẽã bꞌʉya.
¿Kꞌaiba ji nʉma bꞌeipe Daizezeba jʉrʉkuadꞌara? Daizezebara izhabʉrʉ bedꞌea ne ẽã bꞌʉbaria.
