Romanos 3:21 - Porciones del Nuevo Testamento

²¹ Mawũãmina idꞌira Moisé ũrãgꞌa aribꞌaedꞌa ẽãne sãwũã bedꞌea ne ẽã bꞌʉira kꞌawuabisia Daizezebara, maʉ̃ zhi jarama Moisé ũrãgꞌaba, Daizezeba bedꞌeata jarabibarirã bꞌeadꞌaba.

Romanos 3:21 교차 참조

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Hechos 10:43

Maʉ̃ Jesúsdꞌebemata jarasidꞌa Daizezeba bedꞌeata jarabibarirã jõmaʉ̃ba, jarasidꞌa jõma izhidꞌebemata ĩjãbʉdara kꞌazhiruata biodꞌebara bedꞌea ne ẽã duaneĩta izhidꞌeba.

Hechos 15:11

Awuarabʉrʉ dazhirãbara ĩjã bꞌea Nokꞌo Jesúsba sozuburiabʉrʉba dazhirã ẽdrʉdꞌata ãzhi kĩrãkꞌa.

Hechos 26:22

Mawũãmina Daizezeba kꞌareba nʉmʉba idꞌi basiidꞌu jara nʉmʉã zhi zroma ẽãta bꞌea, zhi zromata bꞌea, aramaʉ̃ne mʉãrã jãpe jara nʉmʉ ẽã Daizezeba bedꞌeata jarabibarirãba dewara Moiséba sãwũã berabꞌariita jaradꞌapeadꞌara:

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Romanos 1:17

Maʉ̃ bedꞌea biadꞌeba Daizezebara kꞌawuabi bꞌʉa izhara bedꞌea ne ẽã bꞌʉbarita ĩjãbʉrʉdꞌeba. Maʉ̃ẽnabemata zhi bꞌʉmata mawũã bꞌʉa: Daizezema bedꞌea ne ẽã bꞌʉra ĩjã bꞌʉdꞌeba izhi ũme bꞌai jõ ẽã bꞌaya.

Romanos 1:2

Maʉ̃ẽnabema izha bedꞌeata jarabibari bꞌeadꞌadꞌeba na wedꞌauba jaradꞌata bꞌʉ tabꞌea:

Romanos 16:26

Mawũãmina idꞌibai kꞌawuabisia, aramaʉ̃ne izha bedꞌeata jarabibarirãba jaradꞌapeadꞌata zhi bꞌʉmaneba, izhi Daizeze bꞌai jõ ẽã bꞌʉ ũrãgꞌadꞌeba zhãrã jõmaʉ̃ã kꞌawuabi nʉmʉã aribꞌaedꞌamarẽã Jesucristodꞌebema ĩjãĩrã.

Romanos 3:28

Mawũẽ kꞌawuaidꞌera Daizezebara dazhira bedꞌea ne ẽã obꞌʉa Jesúsdꞌebemata ĩjãbʉrʉdꞌeba, mawũã o ẽã Moisé ũrãgꞌata aribꞌae nʉmʉba.

Romanos 5:19

Adánba Daizeze bedꞌeata aribꞌae ẽbadꞌaba zhãrã jõma kꞌazhirua omiãta nʉmʉsia. Aramaʉ̃ kĩrãkꞌa Jesúsba Daizeze bedꞌeata aribꞌaedꞌaba zhãrã bio bedꞌea ne ẽã bꞌʉya.

Romanos 5:21

Kꞌazhiruata obadaba aduaita beubada, mawũãmina Daizezebara izhi biaba bedꞌea ne ẽã bꞌʉya izhi ũme bꞌai jõ ẽã bꞌabiita Jesucristo dazhirã Nokꞌodꞌeba.

Romanos 9:30

¿Mawũẽ kꞌasia adꞌaipe? Judíorã ẽãrã bedꞌea ne ẽbaidꞌebemane nʉme ẽãta, Daizezebara bedꞌea ne ẽã bꞌʉkua nʉmʉã Cristodꞌebemata ĩjãbʉdaba.