5 Mawũãmina bʉ sora zarea nʉmʉã kꞌazhiruata ãmape izhi pẽwãĩrã, mawũẽ izhi kĩrũbita bʉzhikusaita bira wã kĩrũ zuburia oi ewariedꞌa. Maʉ̃nerã kꞌawuabiya sãwũã pua kꞌawua oi bꞌʉdꞌe obʉrʉta Daizezebara.
Daizezebara izhi kĩrũbira ʉ̃treba kꞌawuabi bꞌʉta zhãrã pua kꞌawua obꞌʉa bia ẽãta obꞌeta, bia ẽãta obꞌeba idu kꞌawuabidꞌa ẽã bꞌeta bedꞌea izhidꞌe wãrãta.
Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.
Aramaʉ̃ kĩrãkꞌa Daizezebara izha krĩñata obʉrʉta izhi kĩrũbita izhi zareata ũdukꞌawabiga krĩñane kꞌãbãẽã zrogꞌasia kꞌazhiruata obꞌeba kĩrũbiba aduabigai badꞌata.
