25 Wãrãnebai kꞌakua eta kꞌõ bꞌʉra biga Moisé ũrãgꞌata aribꞌae bꞌʉbʉrʉ, mawũãmina maʉ̃ ũrãgꞌata aribꞌae ẽbʉrʉ bʉ kꞌakua eta kꞌõpe bꞌʉra kꞌakua e kꞌõ ẽkĩrãkꞌa bꞌʉa.
Mawũãnata jarape Estebanbara mawũãsia: ¡Marã kʉwʉrʉ zarea bꞌea! ¡Marãbara Daizeze bedꞌeara sodꞌebara aribꞌaedꞌa ẽã, ũrĩna ẽã! Marãbara Jawurebiaba jara bꞌʉra jipadꞌe aribꞌaedꞌa ẽã, mawũẽ mazhi zhibarirã bꞌeadꞌa kĩrãkꞌa bꞌea marãsidꞌa.
Moisé ũrãgꞌa bari ũrĩ bꞌeba biata duanu ẽã Daizeze kĩrãbitara, awuarabʉrʉ maʉ̃ ũrãgꞌa aribꞌae bꞌeta izhima biata bꞌea.
Bʉma bʉara Moisé ũrãgꞌara biodꞌe kꞌawua bꞌʉta, ¿maʉ̃ ũrãgꞌa aribꞌae ẽãba kꞌãrẽã bĩ ẽã jarabi bꞌʉ Daizezera?
Aramaʉ̃nerã kꞌakua eta kꞌõ ẽã bꞌʉba Moisé ũrãgꞌata aribꞌae bꞌʉbʉrʉ, ¿kꞌakua e kꞌõ ẽã bꞌʉra kꞌakua e kꞌõpe bꞌʉ kĩrãkꞌa bꞌʉ ẽka?
Kꞌakua e kꞌõ ẽã bꞌʉba Moisé ũrãgꞌata kĩrãẽpa aribꞌae bꞌʉbara kꞌawuabiya bʉara Moisé ũrãgꞌara kꞌawua bꞌʉta, kꞌakua eta kꞌõpe bꞌʉta aribꞌae ẽãta maʉ̃ ũrãgꞌara.
Judío arata bꞌʉ ẽã bari ʉ̃rʉ̃ba bꞌʉra, miã kꞌakua e kꞌõpe bꞌʉ ẽã bari ʉ̃rʉ̃ kꞌõ bꞌʉra zharadꞌe.
