20 Zhi kꞌawua ẽã bꞌeta wũãwũã kĩrãkꞌa bꞌeta ũrãgꞌabadadꞌe bꞌea, Moisé ũrãgꞌata erubꞌedꞌeba kꞌãrẽ kꞌawua bꞌedꞌe bꞌea, kꞌawua bꞌedꞌe bꞌea wãrãta.
Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.
Jipa edebadadꞌe bꞌea Daizezedꞌebema kꞌawuadꞌa ẽãba daʉbꞌerrea bꞌe kĩrãkꞌa bꞌeta, mazhima ʉ̃nata bꞌea pãrĩguadꞌe bꞌerãĩta.
¿Mawũã Jesúsdꞌebema ĩjãbʉrʉdꞌeba seribidꞌa ẽbaika Moisé ũrãgꞌara? ¡Mawũã ẽã! Awuarabʉrʉ mawũãrã aribꞌae bꞌea maʉ̃ ũrãgꞌata.
Mʉã Daizezea zhibia ji bꞌʉra kꞌazhirua nezokꞌata bꞌeasimina marãbara soidꞌu aribꞌae bꞌea Daizeze ũrãgꞌa jaradiadꞌapeadꞌata.
