21 Audre biga nezhara kꞌo ẽbaita, miã vino do ẽbaita, miã kꞌãrẽta o ẽbaita bĩ ẽã obʉrʉba bꞌaebii kꞌãñabara bʉ mebeata.
Mawũãmina bia kꞌarra jida ẽãba dããrã zrogꞌa ẽã, mawũẽ zuburiabʉrʉdꞌera, o Daizeze bedꞌeata ĩjã bꞌʉ kꞌarea zuburia obʉdadꞌera ĩjã ẽã kenabꞌari bꞌʉa.
Mawũãĩ Jesús pʉrʉwape Pedroa bedꞌeabʉrʉ kĩrãkꞌa mawũãsia: Ãĩ wãrũã mʉ kĩrãbitaubara ãtõmiã. Bʉara mʉrã bꞌaebiya nʉmʉã, bʉra krĩcha ẽã Daizeze kĩrãkꞌara, awuarabʉrʉ krĩcha bꞌʉa beubari bꞌe kĩrãkꞌa.
Maʉ̃ba ya wueta zhiya zhi jaradꞌa ẽã, awuarabʉrʉ krĩchaudua tẽnedrʉbidꞌa ẽbaita o bꞌaebidꞌa ẽbaita mebeata.
Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.
