Romanos 13:4 - Porciones del Nuevo Testamento

⁴ Nokꞌorã Daizezebara izhi nezokꞌarã kĩrãkꞌa bꞌʉsia bʉ biaitabemata. Mawũãmina bʉa bia ẽãta ora wawiarua. Bari nokꞌota chubꞌe ẽã, Daizezebara izhi nezokꞌarã kĩrãkꞌa bꞌʉsia zhãrã sãwũã oi bꞌʉdꞌe odꞌamarẽã, pua kꞌawua odꞌamarẽã bia ẽãta obꞌʉra.

Romanos 13:4 교차 참조

Romanos 12:19

Marã mʉã kʉãgꞌata bꞌea, iabꞌaʉba marãta bĩ ẽã ora abꞌarika orãũdua, awuarabʉrʉ idaribiudua Daizezeba kĩrũbiba pua kꞌawua omarẽã. Maʉ̃ẽnabemata zhi bꞌʉmata mawũã bꞌʉa: Mʉrẽã zhãrã kꞌawua oira, kꞌãrẽ odꞌadꞌeba mʉãbʉrʉ kꞌawua oya, maʉ̃ta jarabʉrʉa Nokꞌoba. (Deuteronomio 32:35)

Romanos 13:6

Maʉ̃ba mazha ne erubꞌʉbari nokꞌorã plata diabadata dia bꞌea, aramaʉ̃ne nokꞌorã Daizezebara izhi nezokꞌarã kĩrãkꞌa bꞌʉdꞌaba baridua maʉ̃ne bꞌea.