18 Marãba osia bꞌʉra obʉdata adu-a bꞌeaudua jõmaʉ̃ bawara.
bʉa ne webʉrʉra mama altar maẽ ãmaẽdua, mobe wãpe naara bʉzhi mebeata ibiadꞌe odua, mobebʉrʉ zepe bʉa ne wedꞌara Daizezea diadua.
Sobiaudua zhi zromane duanu ẽãrã, mawũãrã druata jidadꞌaya Daizezeba diabʉrʉta.
Sobiaudua zhãrãta zhiya adu-a duanabi bꞌera, mawũãrã Daizeze warrarã adꞌaya.
Tãrã biga, mawũãmina kʉya ẽbʉrʉ, ¿kꞌãrẽba kʉyabidꞌaipe? Tã biga kĩrãkꞌa bꞌeba zhiya adu-a bꞌeaudua.
Mawũẽ mʉãrã Jesúsdꞌe bedꞌea biara marããbidꞌa kꞌadrʉabai jaraya marã bꞌea Romane.
Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.
Maʉ̃ba adu-a bꞌeaidꞌebemane nʉmeãña, zhiya zhi ũrãgꞌa soidꞌu nʉmeãña.
