10 Mebẽrãne zhi kʉãgꞌa bꞌeaudua. Zhiya zhi wawiaitrʉ bꞌeaudua.
Mawũãmina marã mawũã duanaĩne bꞌʉ ẽã. Awuarabʉrʉ marãnebema zhi zromata bꞌa krĩña bꞌʉra bꞌaibara marã aribꞌaebarita.
Maʉ̃ba bʉta trʉ̃bʉdadꞌera wãpe jewedꞌarua zhi zroma ẽãta jewedꞌabari maẽ. Mawũãrã bʉ trʉ̃nabara zepe mawũãña: Zerua jewedꞌadꞌe nokꞌorã bawara. Mawũãtrʉ bʉra bia jaradꞌaya bʉ bawara nekꞌo jewedꞌa kꞌobꞌebara.
Mʉã marãã jaraya: Zhiya zhi kʉãgꞌaudua.
Aramaʉ̃nerã jõma abꞌa bꞌeaya. Zeze, mawũãrã bʉta mʉne bꞌʉ kĩrãkꞌa, mʉta bʉdꞌe bꞌʉ kĩrãkꞌa, ãzhisidꞌa dazhi ũme abꞌa bꞌeaya. Aramaʉ̃ne ẽjũãne bꞌebara ĩjãnamarẽã mʉrã bʉa zokꞌadꞌata.
Kꞌabanata zhi Jesúsdꞌebema ĩjãnapeadꞌara so abꞌa, krĩcha abꞌa bꞌeasia. Ne erubꞌera miõba naʉ̃ mʉ abꞌaʉdꞌea adꞌa ẽbasia, awuarabʉrʉ ne jõma erubꞌeasia jõmaʉ̃ĩta.
Jõmaʉ̃ã diaudua marãba diaita bꞌʉra: Ne erubꞌʉbari nokꞌorã plata diaita bꞌʉra diauduaa. Drua ãĩba ne webʉrʉbari nokꞌorã plata diaita bꞌʉra diaudua. Wawiaita bꞌʉra wawiaudua. Zhi zromane edaita bꞌʉra zhi zromane edaudua.
