11 Maʉ̃neba mʉã widꞌiya: ¿Israelitarã Cristodꞌebema ĩjãna ẽãba tẽnedrʉbʉdara jipa bꞌaesidꞌakꞌa? ¡Mawũã ẽã! Baribʉrʉ aribꞌaedꞌa ẽãnebara Daizezebara judíorã ẽãta ẽdrʉbi nʉmʉã, aramaʉ̃ne Judíorãta bĩ ẽã bꞌeamarẽã.
Wãpe uvadꞌe trajabadara beakuaya, mobe izhi uvara chãbꞌariya awʉrʉrãã. Zhãrã kꞌobꞌebara maʉ̃ta ũrĩnaĩ mawũãsidꞌa: ¡Maʉ̃nebara daira Daizezeba kꞌarebaidꞌe bꞌʉa!
Pablota Bernabéta de zhi jʉrebadata judíorãne maẽba wãbʉdadꞌera, zhãrã zuburia bedꞌeasidꞌa dewara ewari ẽnaʉ̃badata zeidꞌebidꞌa jaradꞌamarẽã maʉ̃nebemata.
Mawũãmina maʉ̃rãbara ũrĩãmaba mitia bedꞌea jirpaneĩ wua jʉ̃ bꞌʉta niãwe mawũãsia: Kꞌãwũã bꞌedꞌeba Daizezebara pua kꞌawua okuaya. Mʉrã bedꞌea ne ẽbaya. Idꞌidꞌeuba mʉãrã Jesúsdꞌebema jaradꞌe wãña judíorã ẽãta bꞌea.
Mʉã wakusa widꞌiya: ¿Maʉ̃ kꞌawuadꞌa ẽka Israel bꞌebara? Maʉ̃ẽnabemata Daizezebara naara Moisédꞌeba mawũãsia: Mʉã marã bĩ ẽãbiya mʉrẽrã ẽãta bia edabʉrʉba, mʉnebema kꞌawua ẽã bꞌeadꞌata bia edabʉrʉba kĩrũbigaya. (Deuteronomio 32:21)
Maʉ̃neba mʉã widꞌiya: ¿Daizezebara izhidꞌerã kenabꞌarisika? Mawũã ẽã. Mʉsidꞌa israelitarãta Abrahamneba uruta Benjamín warrarãnebema.
Aribꞌaedꞌa ẽãba judíorã bꞌaebʉdata mawũã ẽjũãne judíorã ẽãta bꞌe biaitabemabʉrʉ, ¿audre bia nʉmʉĩ ẽka Cristodꞌebemata judíorãba jipa ĩjãbʉdadꞌera?
Mʉãrã krĩña bꞌʉa mʉrãta bꞌeba maʉ̃ta krĩñanamarẽã aramaʉ̃ne ẽdrʉdꞌamarẽã ʉ̃kʉrʉ ãzhirãnebemata.
Zhi mawũã idꞌidꞌe aribꞌaedꞌa ẽãrã marã sozuburia nʉmʉneba ãzhisidꞌa sozuburiaya.
