Mateo 9:15 - Porciones del Nuevo Testamento

¹⁵ Mawũãnaĩ Jesúsbara mawũãsia: ¿Zhãrã juwua jida nʉmʉne kꞌobꞌera sopuadꞌaidꞌe bꞌʉka zhũmakĩrãta wadꞌi kꞌobꞌʉdꞌera ãzhi bawara? Mawũãmina ewarita zeya zhũmakĩrã ãzhi maẽbara ededꞌaita, maʉ̃nebʉrʉ nekꞌo ẽã zhiwidꞌi bꞌeaya. (Aramaʉ̃ kĩrãkꞌa mʉta edebʉdadꞌebʉrʉ mʉã jʉrʉkuadꞌara nekꞌo ẽã zhiwidꞌi bꞌeaya.)

Mateo 9:15 교차 참조

Mateo 9:14

Juanba jʉrʉkuadꞌata Jesúsma zedꞌape mawũãsidꞌa: ¿Daita dewara fariseorãta daira kꞌãrẽneba baridua nekꞌo ẽã zhiwidꞌi bꞌedꞌe, bʉa jʉrʉkuadꞌara nekꞌo ẽã zhiwidꞌi duanu ẽpe?

Mateo 9:16

Miõba wuata zhiwidꞌibara remenda ẽã wua soreta. Mawũã ora wua zhiwidꞌira bagubʉrʉba wuaabʉrʉ kꞌõãbiya.

Marcos 2:19

Mawũãnaĩ Jesúsbara mawũãsia: ¿Zhãrã juwua jida nʉmʉne kꞌobꞌera nekꞌo ẽã duanaĩne bꞌʉka wadꞌi ãzhi bawara kꞌobꞌʉdꞌera zhũmakĩrãta? Wadꞌi kꞌobꞌʉdꞌera nekꞌo ẽã duanaĩne bꞌʉ ẽã.

Marcos 2:20

Mawũãmina ewarita zeya zhũmakĩrã ãzhi maẽbara ededꞌaita, maʉ̃ ewadebʉrʉ nekꞌo ẽã zhiwidꞌi bꞌeaya. (Aramaʉ̃ kĩrãkꞌa mʉta edebʉdadꞌebʉrʉ mʉã jʉrʉkuadꞌara nekꞌo ẽã zhiwidꞌi bꞌeaya.)

Lucas 17:22

Mobe izha jʉrʉkuadꞌaa mawũãsia: Ewarita zeya zuburiadꞌaita, maʉ̃nerã marãbara mʉ Beubari Bape bꞌadꞌara ewari abꞌabidꞌa ũdu krĩñanaña, mawũãmina ũdudꞌa ẽbaya.

Lucas 5:34

Mawũãnaĩ Jesúsbara mawũãsia: ¿Zhãrã juwua jida nʉmʉne duanurã marãbara nekꞌobidꞌa ẽã duanabidꞌaika zhũmakĩrãta wadꞌi bꞌʉdꞌera ãzhi bawara?

Lucas 5:35

Mawũãmina ewarita zeya zhũmakĩrã ãzhi maẽbara ededꞌaita, maʉ̃ ewadebʉrʉ nekꞌo ẽã zhiwidꞌi bꞌeaya. (Aramaʉ̃ kĩrãkꞌa mʉta edebʉdadꞌebʉrʉ mʉã jʉrʉkuadꞌara nekꞌo ẽã zhiwidꞌi bꞌeaya.)

Juan 16:6

Awuarabʉrʉ mʉã maʉ̃ta marãã jarabʉrʉ kꞌarea marã kꞌãbãẽã sopua kꞌobꞌea.

Juan 3:29

Juwua jidaidꞌera wũẽrã zhũmakĩrãba erunʉmʉã, izhi ũme zhi biata kꞌaita bꞌʉra izhi nemita ũrĩ bꞌʉba kꞌãbãẽã sobia bꞌidꞌabaria. Jesúsdꞌebema ũrĩ bꞌʉba aramaʉ̃ kĩrãkꞌa mʉrã kꞌãbãẽã sobia bꞌʉa.

Hechos 14:23

Pʉwʉrʉza mebẽrã bꞌe maẽ nokꞌorãta bꞌʉsidꞌa. Nekꞌo ẽã zhiwidꞌi tabꞌape Jesúsdꞌebema ĩjã bꞌera Daizezea chãbꞌarisidꞌa izhidꞌebemata ĩjãnapeadꞌaba.