13 Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara. Reyta nʉmaĩrã bʉrea, zareara bʉrea, zhi zromata nʉmaĩrã bʉrea ewari nʉmʉ jõma. Amén.
Ʉ̃rʉ̃ma kꞌopanadua, zhiwidꞌiudua wãẽãna ẽbaita. Marãbara wãrãne biata okrĩña bꞌea, mawũãmina kꞌakuabara bꞌe ẽã nʉmʉã.
Mobe ũrãgꞌaudua jõma aribꞌaedꞌamarẽã mʉã marãã jaradꞌata. Mʉrã marã bawara ewariza bꞌaya ẽjũã jõñeẽna. Amén.
Kꞌãrẽta marãba odꞌaibʉrʉ ãjãne audua, odꞌa ẽbʉrʉ ãjãne arãũdua. Ne ãmaña jarabʉrʉra bia ẽãneba ze bꞌʉta ãtõmiãneba ze bꞌʉa.
Dai Nokꞌota nʉmadua. Bʉa krĩñata odꞌaidꞌe bꞌʉa ʉ̃tre obꞌe kĩrãkꞌa, mawũã odꞌaidꞌe bꞌʉa druadꞌebidꞌa.
Mʉãrã widꞌi ẽã bʉa naʉ̃ ẽjũãneba ãĩ jʉre edemarẽã, awuarabʉrʉ widꞌi bꞌʉa kꞌarebamarẽã ãtõmiã bia ẽã juwuadꞌeba.
