20 Mawũãĩ ãzhara audre ẽãne atarraya kenabꞌaridꞌape kꞌaidꞌu jʉ̃drʉsidꞌa.
Iabꞌaʉba zhi zezeta zhi papata mʉ audre kʉãgꞌabʉrʉ mʉrẽta bꞌaidꞌe bꞌʉ ẽã, iabꞌaʉba zhi warrata zhi kꞌauta mʉ audre kʉãgꞌabʉrʉ mʉrẽta bꞌaidꞌe bꞌʉ ẽã.
Mawũãĩ Pedroba mawũãsia: Daibara ne jõma ãmaẽsidꞌa, mobe bʉta pẽwã bꞌea. ¿Mawũẽ daibara kꞌãrẽta jidadꞌaipe?
Maʉ̃ne Jesúsbara mawũãsia: Mʉ kꞌaidꞌu panadua, mʉnebemata ĩjãnamarẽã mʉã marã zhãrã ũrãgꞌabarita panabiya.
Mamaʉ̃ba Jesús wãbʉrʉdꞌera dewara awʉrʉrãta ũme mebẽrãta panʉta ũdusia, Jacobota zhi mebea Juanta ũdusia, Zebedeo warrarãta ãzhi zeze Zebedeo bawara jãbadꞌe bꞌeta, ãzhi atarrayata tʉdꞌʉzoadꞌata araa jʉ̃kua duanasia, Jesúsbara maʉ̃ne jʉrʉkuasia.
Jãbara drua wedꞌape ne jõma idu ãmaẽnape wãsidꞌa Jesús kꞌaidꞌu.
