1 Sábado ẽnaʉ̃bada ewarita berabꞌaripe semana ewarita nabemata domingota ʉ̃nadrʉbʉrʉdꞌera, María Magdalenata María dewarabemata zesidꞌa Jesús wuagꞌadꞌapeadꞌata akʉdꞌe.
Maʉ̃rãnebema duanasia María Magdalenata, María dewarabema Jacoboba Joséba ãzhi papata bꞌasia, Zebedeo warrarã papasidꞌa bꞌasia.
Maʉ̃ne mama María Magdalenata, María dewarabemata jewedꞌa kꞌopanasia Jesús wuagꞌabʉda kĩrãbita.
Mobe jẽrũya dedꞌaa wãnape kerata osidꞌa beuwãrã kꞌakua chiratʉdꞌaita. Nrũẽma ẽnaʉ̃bada ewade ẽnaʉ̃sidꞌa Daizezeba jara bꞌʉ kĩrãkꞌa.
Semana ewarita nabemata domingodꞌe diapedꞌa Jesús wuagꞌadꞌapeadꞌaidꞌu zebʉdata, wũẽrãrãbara wesidꞌa beuwãrã chiratʉdꞌaita ãzha kera odꞌapeadꞌata. Wũẽrãrã awʉrʉrãsidꞌa zesidꞌa ãzhi bawara.
Maʉ̃ta daira perabisidꞌa wũẽrãrã daidꞌebema ʉ̃kʉrʉba. Maʉ̃rã diapedꞌa jũẽkuasia Jesús wuagꞌadꞌapeadꞌaidꞌu.
