66 Mawũãĩ ãzhira wãnape peña zobꞌeara sãwũãna ẽbaidꞌe obʉdata mongꞌara zhi tapa kꞌobꞌʉra kꞌarasidꞌa, mobe soldaorãta duanebisidꞌa akʉdꞌamarẽã.
Mobe edꞌa tabꞌʉsia izhidꞌe beuwãrã wuagꞌai nʉmʉta zhiwidꞌi maẽ, maʉ̃ izhara peñata zobꞌea kꞌorubidꞌa basia. Edꞌa wãbari maẽ mongꞌara zromaba tapabigape wãsia.
Mawũãnaĩ Pilatobara mawũãsia: Mobera soldaorã za bꞌeta edeudua akʉdꞌamarẽã, wãnape oudua mazhima sãwũãna ẽbaidꞌe.
Wũẽrãrã wãbʉdaedꞌa, soldaorã ʉ̃kʉrʉ pʉwʉrʉedꞌa wãnape sacerdoterã nokꞌorãã jõma nebʉrʉsidꞌa sãwũã berabꞌaribʉrʉta.
Maʉ̃ne ẽjũãta abꞌaedꞌa uresia, aramaʉ̃ne ángel Daizezedꞌeta ʉ̃treba zepe peña zobꞌea tapa kꞌobꞌʉta mongꞌara ãĩ kꞌobꞌʉpe ʉ̃rʉ̃ jewedꞌasia.
Mawũãmina akʉbʉdadꞌera mongꞌara ãña ʉratʉ kꞌobꞌʉta ũdusidꞌa jipadꞌe zhi zromata.
Semana ewarita nabemata domingodꞌe María Magdalena diapedꞌa wadꞌi pãrĩgua nʉmʉne wãsia Jesús wuagꞌadꞌapeadꞌaidꞌu. Maʉ̃nerã peña zobꞌeata tapa kꞌobꞌadꞌara mongꞌara ãña ʉratʉ kꞌobꞌʉta ũdusia.
