46 A las tres Jesús kꞌãbãẽã bꞌia mawũãsia: Elí, Elí, ¿lama sabactani? Maʉ̃ bedꞌeabara mawũãsia: Mʉ Zhibari, mʉ Zhibari, ¿mʉrã kꞌãrẽã kenabꞌaribʉrʉ?
Ʉ̃kʉrʉ mama kꞌobꞌebara maʉ̃ta ũrĩnape mawũãsidꞌa: Elíata trʉ̃ kꞌobꞌʉa naʉ̃bara.
A las tres Jesúsbara nemi jĩgua mawũãsia: Eloi, Eloi, ¿lama sabactani? Maʉ̃ bedꞌeabara mawũãsia: Mʉ Zhibari, mʉ Zhibari, ¿mʉrã kꞌãrẽã kenabꞌaribʉrʉ?
Maʉ̃nerã Jesúsbara nemi jĩgua mawũãsia: Zeze, mʉãrã bʉ juwuadꞌe chãbꞌariya mʉ jawurera. Mawũãpe beusia.
