36 Mʉ wua ne ẽã bꞌasidꞌera wua jʉ̃bisidꞌa, mʉ kꞌaya bꞌasidꞌera akʉdꞌe zesidꞌa, mʉ cárceldꞌe bꞌʉdꞌera mʉ akʉdꞌe zesidꞌa.
Maʉ̃nerã biarãbara panaʉ̃ mawũãnaña: ¿Nokꞌó, sõmbewedꞌa daibara bʉra jarra bꞌʉta ũdudꞌape nekꞌobisidꞌa, sõmbewedꞌa obisia bꞌʉta baniã dobisidꞌa?
Mʉ ãĩbemata bꞌasidꞌera bia edadꞌa ẽbasia, mʉ wua ne ẽã bꞌasidꞌera wua diadꞌa ẽbasia, mʉ kꞌaya bꞌasidꞌera, cárceldꞌe bꞌasidꞌera mʉrã akʉdꞌe zedꞌa ẽbasia.
Mawũãnaĩ Juanbara panaʉ̃ mawũãsia: Wua ũme erubꞌʉbara ne ẽã bꞌʉa abꞌa diadua. Zhiko erubꞌʉbara ne ẽã bꞌʉa diadua.
Ne jõmaʉ̃ne mʉã marãã jaradia bꞌʉa mawũã traja kꞌarebai barata kꞌãrẽ nesidꞌa bꞌera. Nokꞌo Jesús bedꞌeata bude baudua mawũãnata: Dazha awʉrʉa kꞌãrẽ diabʉrʉba dazhira audre sobiaya awʉrʉba diabʉrʉta jidai kꞌãñabara.
