4 Aramaʉ̃ne arimaẽ berabꞌarisia Daizezeba bedꞌeata jarabibariba mawũãnata:
Maʉ̃ jõma Daizezeba jaradꞌata arimaẽ berabꞌarisia izha bedꞌeata jarabibaridꞌeba mawũãnata:
Iabꞌaʉba widꞌira mawũãũdua: Nokꞌoba nesidꞌakuabʉrʉa, nane diabꞌarikuaya.
Mawũãmina naʉ̃ jõma kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata Daizezeba bedꞌeata jarabibarirãba jaradꞌapeadꞌata. Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.
Aramaʉ̃ne burrora wesidꞌa Jesúsma, mobe ʉ̃rʉ̃ bꞌʉsidꞌa ãzhidꞌe wua ãnebꞌari panʉta, mobebʉrʉ Jesús jewedꞌasia ʉ̃rʉ̃.
Aramaʉ̃ne wesidꞌa Jesúsma, mobe wua ãzhidꞌe ãnebꞌari panʉta burro kũrãne ʉ̃rʉ̃ kꞌobꞌʉdꞌape Jesús bꞌaribisidꞌa.
Jerusalén pʉwʉrʉedꞌa kꞌabanata fiesta badꞌe zedꞌapeadꞌabara nrũẽmane ũrĩsidꞌa Jesúsidꞌa uruta.
Perarãũdua marã Jerusalénne bꞌera, marã Reyra urua, burro kũrãne ʉ̃rʉ̃ bꞌari urua. (Zacarías 9:9)
