33 Mawũãĩ izha jʉrʉkuadꞌabara mawũãsidꞌa: ¿Miõ ne ẽã maẽrã dazhirãbara zhiko sãma ũdudꞌaipe mawũã nekꞌobigaira kꞌãbãẽã kꞌabanata?
Keudꞌe izha jʉrʉkuadꞌabara orradꞌape mawũãsidꞌa: Miõ ne ẽã maẽ bꞌedꞌe ewari ya keua, mawũẽ kꞌabanata kꞌobꞌera wãbigarua wãnamarẽã pʉwʉrʉ zake tabꞌema, aramaʉ̃ne edadꞌamarẽã kꞌãrẽ kꞌoita.
Jesúsbara izha jʉrʉkuadꞌata trʉ̃pe mawũãsia: Mʉãrã zhãrã sozuburia kꞌobꞌʉa, mʉ bawara bꞌeta ewari ũbea babʉrʉta kꞌãrẽ kꞌoi ne ẽã bꞌea. Mʉãrã krĩña ẽã nekꞌo ẽã wãbigaira, manebʉrʉ nomadrʉdꞌaya odꞌe.
Mawũãnaĩ Jesúsbara mawũãsia: ¿Marãbara pan sõmbe erubꞌe? Mawũãĩ ãzhara mawũãsidꞌa: Erupanʉã pan siete, bꞌeda zakerãta ʉ̃kʉrʉ.
Mawũãnaĩ Jesúsbara panaʉ̃ mawũãsia: Marãba nekꞌobigaudua. Mawũãĩ ãzhara mawũãsidꞌa: ¿Daita wãnape denario docientoba pan edaira ewari dociento trajaidꞌe bꞌʉ ẽka aramaʉ̃ne nekꞌobigaira?
Mawũãnaĩ Jesúsbara mawũãsia: Marãba nekꞌobigaudua. Mawũãĩ ãzhara mawũãsidꞌa: Daibara eruduanuã pan juesoma, bꞌeda ũme, daita wãbʉda ẽbʉrʉ zhiko edadꞌe naʉ̃ jõmaʉ̃ kꞌabanaĩta.
