18 Mawũãnaĩ izhara mawũãsia: Mʉma weudua naĩnu.
Mawũãĩ ãzhara mawũãsidꞌa: Daibara nama erubꞌea pan juesoma bꞌeda ũme.
Mobebʉrʉ poajãrã ʉ̃rʉ̃ zhãrã jewedꞌabigape pan juesomata bꞌeda ũmeta jiraedape ʉ̃taa akʉ zhiwidꞌipe pan bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.
Mobebʉrʉ kꞌabanata kꞌobꞌea jarasia jewedꞌa duanemarẽã egorodꞌe, mobe pan sieteta jiraedape Daizezea zhibia jipe bꞌʉekuape izha jʉrʉkuadꞌaa diasia jedꞌekadꞌamarẽã kꞌabanata kꞌobꞌea.
Mawũãĩ Jesúsbara mawũãsia: Zhãrãta jewedꞌabigaudua. Mamarã bio nʉmasia poajãrãta, aramaʉ̃ne cinco mil jewedꞌasidꞌa zhũmakĩrãrãta.
